ព័ត៌មាន

ប្រមុខរដ្ឋាភិបាលកម្ពុជា បានលើកឡើងពីបញ្ហាប្រឈមនៃវិបត្តិផលិតផលកសិកម្ម ដែលមានសារធាតុគីមី ដោយថាបញ្ហានេះបានបង្កគ្រោះថ្នាក់ជាងបញ្ហាគ្រឿងញៀនទៅទៀត។ លោកនាយករដ្ឋមន្ត្រី ហ៊ុន ម៉ាណែត បានមានប្រសាសន៍នៅក្នុងកិច្ចប្រជុំ«សមាជ»រដ្ឋសភា និង ព្រឹទ្ធសភា លើកទី១ នៅថ្ងៃទី ៣ មិថុនា ថា បច្ចុប្បន្នកម្ពុជាមានស្ថាប័នត្រួតពិនិត្យលើរឿងសុវត្ថិភាពចំណីអាហារច្រើនពេក ដូចជាស្ថាប័នគយ ក្រសួងពាណិជ្ជកម្ម សុខាភិបាល ទេសចរណ៍...

​ជនជាតិដើមភាគតិចពូនងនៅភូមិ​ឡៅកា​ សង្កាត់សុខដុម​ ក្រុងសែនមនោរម្យ​ ខេត្តមណ្ឌលគិរី​ចោទឈ្មួញដីថា បានដាក់គ្រឿងចក្រឈូសឆាយបំផ្លិចបំផ្លាញតំបន់អបិយជំនឿរបស់ពួកគេ។ កាលពីថ្ងៃទី២៦ ខែឧសភា ឆ្នាំ២០២៥ សហគមន៍ជនជាតិដើមភាគតិចនៅខេត្តមណ្ឌលគិរីផ្សព្វផ្សាយលើហ្វេសប៊ុករបស់ខ្លួនថា ដីព្រៃភ្នំមួយកន្លែងដែលបណ្តុំដោយជំនឿរបស់ជនជាតិដើមភាគនិងបេតិកភណ្ឌរបស់ជាតិត្រូវបានឈ្មួញដីដាក់គ្រឿងចក្រឈូសឆាយបំផ្លិតបំផ្លាញចោលអស់។ ជនជាតិដើមភាគតិចបានទាមទារឱ្យបញ្ឈប់ការឈូសឆាយ ដោយចាត់ទុកសកម្មភាពនេះថា ជាការប្រមាថ និងរំលោភបំពានសិទ្ធ ហើយធ្វើឱ្យប៉ះពាល់ដល់អត្តសញ្ញាណរបស់ជនជាតិដើមភាគតិច។ អ្នកស្រី ផ្លឹក ភីរុំ ប្រធានសហគមន៍ជនជាតិភាគតិចពូនងនៅភូមិឡៅកា បានបញ្ជាក់បន្ថែមថា...

ប្រមុខរាជរដ្ឋាភិបាលកម្ពុជា បានប្រកាសពីការត្រៀមខ្លួនដោះស្រាយបញ្ហាព្រំដែនកម្ពុជា-ថៃ រួមមានតំបន់ប្រាសាទតាមាន់ធំ តាមាន់តូច តាក្របី និងតំបន់មុំបី ដែលកំពុងមានភាពចម្រូងចម្រាស់នាពេលថ្មីៗនេះតាមយន្តការបច្ចេកទេស និងតុលាការអន្តរជាតិតែម្តង។ លោកនាយករដ្ឋមន្ត្រី ហ៊ុន ម៉ាណែត បានលើកឡើងលើទំព័រហ្វេសប៊ុកកាលពីយប់ថ្ងៃទី១ ខែមិថុនាថា ប្រទេសកម្ពុជាប្រកាន់ជំហរដោះស្រាយបញ្ហាព្រំដែនដោយសន្តិវិធីតាមរយៈការប្រើប្រាស់យន្តការបច្ចេកទេស និងច្បាប់អន្តរជាតិ ជាគោល។ ក្នុងន័យនេះលោកបានបញ្ជាឱ្យគណៈកម្មការព្រំដែនចម្រុះ(JBC) កម្ពុជា។  ទីមួយលោក បញ្ជាឱ្យរៀបចំការប្រជុំ...

អ្នកសម្របសម្រួល​សមាគមអាដហុកម្នាក់ប្រចាំខេត្ដរតនគិរី លោក ឌិន ខន្នី នៅតែបន្ដធ្វើការងារជាអ្នកការពារសិទ្ធិមនុស្ស និងជួយដល់ជនរងគ្រោះពីការរំលោភបំពានផ្សេងៗ ​ដោយសារជាក្តីស្រលាញ់ ​ បើទោះបីលោកទទួលបានប្រាក់ខែតែពាក់កណ្ដាលនៃប្រាក់ខែដើមក៏ដោយ។ ស្ថានភាពគ្រួសារ លោក ឌិន ខន្នី មានវ័យ៤៣ឆ្នាំ ដែលមានស្រុកកំណើតនៅភូមិប្រសាំ ឃុំទំនប់ ស្រុកបាធាយ ខេត្ដកំពង់ចាម។ បច្ចុប្បន្នលោកនិងគ្រួសារ បានផ្លាស់មករស់នៅភូមិភ្នំស្វាយ...

ជនជាតិដើមភាគតិចទំពួនមួយចំនួននៅឃុំអូរជុំ ស្រុកអូរជុំ ខេត្តរតនគីរី បារម្ភពីការបាត់បង់ភ្លេងតន្ត្រីបុរាណរបស់ខ្លួនឆាប់រហ័យ ដោយសារក្មេងៗជំនាន់ក្រោយមិនបានបន្តវេន និងខ្វះឧបករណ៍ភ្លេង។ ជាជនជាតិដើមភាគតិចទំពូននៅភូមិល្អឺនជង ឃុំអូរជុំ លោក ប្រិម ខាម បានរៀបរាប់ថា ជនដើមភាគតិចទំពូនមានភ្លេងតន្ត្រី និងសិល្បៈបុរាណរបស់ខ្លួនតាំងពីយូរលង់ណាស់មកហើយ។ ប្រធានក្រុមសិល្បៈជនជាតិដើមភាគតិចទំពូននៅភូមិល្អឺនជងរូបនេះ បានបញ្ជាក់ថា វង់ភ្លេងតន្ត្រីបុរាណមួយនេះ គឺជាផ្នែកមួយ នៃវប្បធម៌ប្រពៃណី និងជាអត្តសញ្ញាណរបស់ជនជាតិដើមភាគតិចទំពូន។...

ប្រធានព្រឹទ្ធសភា និងនាយករដ្ឋមន្ត្រីកម្ពុជា បានអះអាងពីការត្រៀមខ្លួនក្នុងការវាយបកទៅភាគីថៃវិញដើម្បីការពារបូរណភាពដែនដី ក្នុងករណីណាដែលពួកគេ​ឈ្លានពានកម្ពុជា។ អតីតនាយករដ្ឋមន្ត្រី និងបច្ចុប្បន្នជាប្រធានព្រឹទ្ធសភាកម្ពុជា លោក ហ៊ុន សែន បានថ្លែងសារពិសេសមួយនៅព្រឹកថ្ងៃព្រហស្បតិ៍នេះ ដោយបានស្នើឱ្យជនរួមជាតិស្ងប់ចិត្ត ហើយជឿជាក់លើការដឹកនាំរបស់រាជរដ្ឋាភិបាល និងកងកម្លាំងប្រដាប់អាវុធកម្ពុជា ក្នុងការដោះស្រាយតាមរយៈការចរចា ជាងការដោះស្រាយដោយកម្លាំងប្រដាប់អាវុធ។ លោកបន្តថា អ្វីដែលកម្ពុជាចង់បាន គឺចង់បានស្ថានការណ៍នៅព្រំដែនវិលត្រឡប់ទៅសភាពដើមវិញដោយមិនចង់ឱ្យសង្គ្រាមកើតឡើងនោះទេ ប៉ុន្តែកម្ពុជាក៏បានត្រៀមការពារខ្លួនផងដែរ។  ​...

កម្ពុជា តាមរយៈក្រសួងការពារជាតិ​ បានអះអាងពីករណី ទាហានខ្មែរម្នាក់ដែលជាទាហានឈរជើងនៅតំបន់ព្រំដែនមុំបី បានស្លាប់នៅក្នុងការផ្ទុះអាវុធជាមួយទាហានថៃនៅព្រឹកថ្ងៃទី២៨ ខែឧសភានេះ។ សេចក្តីប្រកាសព័ត៌មានរបស់ក្រសួងការពារជាតិនៅថ្ងៃពុធនេះ បានអះអាងថា ពិតជាមានការប៉ះទង្គិចគ្នារវាងកងកម្លាំងយោធាកម្ពុជា និងយោធាថៃ នៅចំណុចភូមិតេជោមរតក ឃុំមរតក ស្រុកជាំក្សាន្ត ខេត្តព្រះវិហារនៅព្រឹកថ្ងៃទី២៨ ខែឧសភានេះ ដោយសារយោធាថៃបានបាញ់រើមកលើទីលេរណដ្ឋានយោធាខ្មែរដែលបានបោះទីតាំងតាំងពីយូរមកហើយ។ ក្រសួងបន្តថា ហេតុការណ៍នេះបណ្តាលឱ្យទាហានខ្មែរម្នាក់ ឈ្មោះ សួន...

សាលាឧទ្ធរណ៍ភ្នំពេញ បានសម្រេច​តម្កល់​សាលក្រ​ម​របស់​តុលាការ​ជាន់​ទាប ដែល​ផ្តន្ទាទោស​អ្នក​អត្ថា​ធិប្បាយ​សង្គម លោក នី ណាក់ ឱ្យ​ជាប់​ពន្ធនាគា​រ​រយៈ​ពេល​ ២ឆ្នាំ និ​ង​សង​ជំងឺចិត្ត​ដល់​ដើម​បណ្ដឹង​​រដ្ឋមន្រ្តី​ក្រសួង​ការងារ​ចំនួន ២០០​លានរៀល។ កាលថ្ងៃទី២១ ខែវិច្ឆិកា ឆ្នាំ២០២៤ សាលា​ដំបូងរាជធានី​ភ្នំពេញ បាន​​ផ្តន្ទាទោស លោក​ នី ណាក់ ដាក់ពន្ធនាគារ​ពីរឆ្នាំ និងពិន័យ​ជា​ប្រាក់​...

សាលា​ឧទ្ធរណ៍ភ្នំពេញ បាន​សម្រេច​តម្កល់​សាលក្រម​របស់​សាលាដំបូង​រាជធានី​ភ្នំពេញ ដែលបានផ្ដន្ទាទោសមេដឹកនាំ​សហជីព​ លោក ម៉ម រិទ្ធី ពាក់ព័ន្ធនឹងបទញុះ​ញង់​ ទុកជាបានការ។ កាលពីថ្ងៃទី៧ ខែឧសភា ឆ្នាំ២០២៤ លោក ម៉ម រិទ្ធី ប្រធានសហព័ន្ធសហជីពកម្មករនិយោជិតវិស័យ​ទេស​​ចរណ៍​សេវាកម្មកម្ពុជា ត្រូវបានសាលាដំបូងរាជធានីភ្នំពេញ កាត់ទោសកំបាំងមុខ តាមមាត្រា ៤៩៤ ៤៩៥...

តុលាការកំពូល នៅថ្ងៃទី២៦ខែឧសភា បាន​​សម្រេច​​បដិសេ​​ធ​សំណើរ​​​សុំ​​នៅ​​ក្រៅ​​ឃុំ​​ជា​​បណ្តោះ​​​អាសន្ន​​របស់​​​​​សមា​ជិក​​សមាគម​​សម្ព័ន្ធ​និស្សិត​​បញ្ញ​វន្ត​​ខ្មែរ កញ្ញា រៀម ស្រីពេជ្ររតនា និង លោក ធី ថន​។ អ្នកទាំងពីរ ត្រូវបាន​ចាប់ឃុំ​ខ្លួន​កាល​ពី​ខែសី​ហា​ ឆ្នាំ​២០២៤​ ដោយ​ចោទ​ប្រកាន់​ពី​បទ​ «រួមគំនិត​ក្បត់» យោង​តាម​មាត្រា​៤៥៣ នៃក្រម​ព្រហ្ម​ទណ្ឌ​ ពាក់​ព័ន្ធ​នឹង​ព្រឹត្តិការណ៍​នៃ​ការ​បង្ក្រាបទ្រង់​​ទ្រាយ​​ធំ​​លើ​​មនុស្ស​​ជាង ១០០​នាក់ ដែល​អ្នក​ទាំង​នោះ​ត្រូវ​បាន​គេ​ចោទ​ប្រកាន់​ថា...