ព័ត៌មាន

ជនជាតិដើមភាគតិច អះអាងថា ដីព្រៃសហគមន៍ជាង៣០ហិកតារបស់ជនជាតិដើមភាគតិចសួយ ស្ថិតក្នុងឃុំសង្កែសាទប ស្រុកឱរ៉ាល់ ខេត្តកំពង់ស្ពឺ កំពុងរងការហ៊ុមព័ទ្ធយកពីសំណាក់អ្នកមានលុយមានអំណាច។

ពលរដ្ឋរាប់រយនាក់ ​ជាប់ទាក់ទិនសំណុំរឿងវិនិយោគជាមួយក្រុមហ៊ុនពិភពដីមាស ដែលម្ចាស់ក្រុមហ៊ុននេះនិងគូកនជាច្រើននាក់ត្រូវបានសមត្ថកិច្ចចាប់ខ្លួនកាលពីពេលថ្មីៗនេះ​ ស្នើឱ្យអាជ្ញាធរជួយអន្ដរាគមន៍ទៅភាគីធនាគារដើម្បីពន្យារពេលបង់ការប្រាក់ និងប្រាក់ដើមឱ្យពួកគាត់ ខណៈប្រាក់ដែលពួកគេបានវិនិយោគជាមួយក្រុមហ៊ុន​ភាគច្រើនខ្ចីបុលពីធនាគារ។

សហគមន៍ជនជាតិដើមភាគតិចនៅខេត្តក្រចេះបារម្ភអំពីការបាត់បង់ប្រពៃណី ទំនៀមទម្លាប់ និងវប្បធម៌របស់ខ្លួន និងចង់រក្សាអត្តសញ្ញាណរបស់ពួកគេឱ្យនៅគង់វង្សដល់កូនចៅជំនាន់ក្រោយ។

អាជ្ញាធរខេត្តក្រចេះ និងអង្គការសង្គមស៊ីវិលជំរុញឱ្យភាគីពាក់ព័ន្ធរក្សាភាពអត់ធ្មត់ និងដោះស្រាយគ្នាតាមសន្ដិវិធី ក្រោយមានករណីប៉ះទង្គិចគ្នារវាងប្រជាសហគមន៍ និងមន្ដ្រីអនុវត្តច្បាប់ ដែលឈានដល់ការដុតបំផ្លាញទីស្នាក់ការ​បរិស្ថាន ដែលមានឈ្មោះថា ស្នាក់ការតំបន់ប្រើប្រាស់ច្រើនយ៉ាងសរសរស្តម្ភសត្វតោ។ 

​ពលរដ្ឋ ១៣គ្រួសាររស់នៅស្រុកជុំគិរី ខេត្ដកំពត ​ស្នើទៅអាជ្ញាធរពាក់ព័ន្ធឱ្យជួយដោះស្រាយបញ្ហាទឹកលិចផ្ទះសម្បែង និងផលដំណាំរបស់ពួកគេ ក្រោយមានបុគ្គលដែលអ្នកភូមិបញ្ជាក់ថាជាមេធាវី ​បានចាក់ដី និងធ្វើរបងថ្មបិតផ្លូវទឹក។

ប្រជាសហគមន៍ឡពាង ៥រូបត្រូវបានសាលាឧទ្ធរណ៍រាជធានីភ្នំពេញកោះហៅឱ្យចូលបំភ្លឺនៅដើមខែសីហា​ ជុំវិញសំណុំរឿងចាស់ជាមួយក្រុមហ៊ុនខេឌីស៊ី(KDC) របស់ភរិយា លោក ស៊ុយ សែម ដែលជារដ្ឋមន្ត្រីក្រសួងរ៉ែ និងថាមពល    ប៉ុន្ដែពួកគេហាក់គ្មានជំនឿចិត្ដចំពោះការចូលបំភ្លឺនោះថានឹងទទួលយុត្ដិធម៌​ឡើយ។

អ្នកការពារព្រៃឈើ និងសត្វព្រៃនៅសហគមន៍សង្ឃរុក្ខាវ័ន ស្ថិតក្នុងស្រុកអន្លង់វែង ខេត្តឧត្តរមានជ័យ បានលើកឡើងថា សត្វព្រៃ និងផលត្រីនៅតំបន់ការពារមួយនេះប្រឈមបាត់បង់ឆាប់រហ័ស ខណៈការដាក់អន្ទាក់ចាប់សត្វព្រៃ និងការនេសាទខុសច្បាប់បន្តកើតមាន។

ប្រជាសហគមន៍ការពារព្រៃឈើក្បាលខ្លា នៅស្រុកសណ្តាន់ ខេត្តកំពង់ធំ បានចាត់ទុកការដុតបំផ្លាញស្នាក់ការរបស់សហគមន៍គឺជាការគំរាមកំហែងបំភិតបំភ័យដល់សមាជិករបស់សហគមន៍ដែលសកម្មរឿងការពារព្រៃឈើ។

ស្រ្ដីវ័យចំណាស់ម្នាក់បានរៀបរាប់ថា៖«គេព័ទ្ធរបងតាំងពីមានជម្លោះលើកមុនបានប៉ុន្មានថ្ងៃខាងព្រលានគេមកព័ទ្ធយកហ្មង។ ផ្ទះពួកខ្ញុំ១៤គ្រួសារគឺត្រូវដើរឆ្លងទឹកចូលផ្ទះ ពេលទឹកឡើងមានតែប្រើទូកឆ្លងចូលផ្ទះ។ ខ្ញុំដេកអត់លក់ទេលោកគ្រូអើយ មិនដឹងថាគេឱ្យយើងទៅនៅណាទេ។ លើកមុនគេមកប្រាប់ថាគេនឹងដោះស្រាយមុនបោះឆ្នោត តែឥឡូវអត់ឃើញមកសួរនាំទេ»។

ប្រជាពលរដ្ឋរស់នៅសង្កាត់បឹងទំពន់២ ខណ្ឌមានជ័យ រាជធានីភ្នំពេញ បានបង្ហាញពីទុក្ខលំបាកនៃផលប៉ះពាល់ជុំវិញបញ្ហាលិចទឹកនៅពេលមានភ្លៀងធ្លាក់ម្តងៗ ដោយពួកគេស្នើឱ្យអាជ្ញាធរជួយចាត់វិធានការ​ដោះស្រាយបញ្ហានេះជាប្រព័ន្ធ ដើម្បីធានាថា ពេលមានភ្លៀងធ្លាក់មកនឹងមិនមានការជន់លិចបន្តទៀត។