មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ ហៅកាត់ថា CCIM បានចាប់ផ្ដើមសកម្មភាពបណ្ដុះបណ្ដាលពលរដ្ឋអ្នកសារព័ត៌មានតាំងពីអំឡុងឆ្នាំ២០១៣មកម្ល៉េះ និងកំពុងបន្ដពង្រីកបណ្ដាញពលរដ្ឋអ្នកសារព័ត៌មាននេះ ដើម្បីចូលរួមលើកកម្ពស់ការចូលរួមរបស់ពលរដ្ឋកម្ពុជាក្នុងការរាយការណ៍ព័ត៌មានសហគមន៍។
វិវាទដីធ្លី
ពលរដ្ឋសង្កាត់ព្រែកថ្មីជិត២០០គ្រួសារផ្ទុះការតវ៉ាក្រោយគម្រោងពង្រីកផ្លូវ៦០ម៉ែត្រធ្វើឱ្យប៉ះពាល់ដីលំនៅដ្ឋាន
ប្រជាពលរដ្ឋ១៧៩ គ្រួសារស្ថិតនៅក្នុងភូមិកោះក្របី១ សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ បានផ្ទុះការតវ៉ា កាលពីថ្ងៃព្រហស្បតិ៍ម្សិលមិញនេះនៅឯសាលាសង្កាត់ព្រែកថ្មី ដោយស្នើសុំឱ្យអាជ្ញាធររាជធានីភ្នំពេញចុះមកវាស់វែងលើគម្រោងពង្រីកផ្លូវកោះក្របីឡើងវិញដោយសារតែគម្រោងនេះបានធ្វើឱ្យប៉ះពាល់ដល់ដីលំនៅដ្ឋានរបស់ប្រជាពលរដ្ឋ។
អានបន្តជនជាតិដើមភាគតិចពូនងខេត្តមណ្ឌលគិរីសុំអន្តរាគមន៍ពីអាជ្ញាធរទប់ស្កាត់ការធ្វើប្លង់កម្មសិទ្ធិលើដីរបស់ជនជាតិដើម
ជនជាតិដើមភាគតិចពូនង ៩៣ គ្រួសារនៅខេត្ដមណ្ឌលគិរី បានដាក់ពាក្យបណ្ដឹងទៅអាជ្ញាធរខេត្ដ និងមន្ទីរសុរិយោដីខេត្ដមណ្ឌលគិរី សុំឱ្យទប់ស្កាត់ការចេញប្លង់កម្មសិទ្ធិកាន់កាប់ដីធ្លីរបស់បុគ្គល៣រូប ដែលពួកគាត់អះអាងថា ដីនេះកំពុងជាប់បណ្ដឹងនៅសាលាដំបូងខេត្ដមណ្ឌលគិរីកាលពីថ្ងៃទី៧ ខែធ្នូ ឆ្នាំ២០២២។
អានបន្តសាលាឧទ្ធរណ៍ភ្នំពេញលើកពេលប្រកាសសាលក្រមសកម្មជនរងគ្រោះដីធ្លីឡពាង លោក រាជ សីមា
សាលាឧទ្ធរណ៍បានលើកពេលប្រកាសសាលក្រមលើរឿងក្ដីរបស់សកម្មជនរងគ្រោះដីធ្លីនៅឡពាង លោក រាជ សីម៉ា នៅថ្ងៃនេះទៅថ្ងៃទី១៥ ខែធ្នូ វិញ តែមិនបានបញ្ជាក់ពីមូលហេតុនោះទេ។
អានបន្តពលរដ្ឋ២៤គ្រួសារនៅខេត្តកំពង់ស្ពឺចោទមេភូមិថា ឃុបឃិតជាមួយឈ្មួញដីដើរទិញដីមិនឱ្យលុយ
ពលរដ្ឋរស់នៅភូមិបឹងធ្នង់ ឃុំបសេដ្ឋ ស្រុកបសេដ្ឋ ខេត្តកំពង់ស្ពឺ ចំនួន២៤គ្រួសារ បានចោទមេភូមិបឹងធ្នង់លោក អោម ឃាង ថា បានឃុបឃិតគ្នាជាមួយឈ្មួញដី ដើរទិញដីពីប្រជាពលរដ្ឋមិនឱ្យលុយអស់រយ:ពេលជាច្រើនឆ្នាំមកហើយ។
អានបន្តពលរដ្ឋ៩នាក់រួចផុតការចោទប្រកាន់ ក្រោយតវ៉ារឿងដីធ្លីជាមួយក្រុមហ៊ុនព្រលានយន្ដហោះថ្មី
នៅទីបំផុត តុលាការខេត្តកណ្ដាលបានសម្រេចទម្លាក់ចោលការចោទប្រកាន់លើពលរដ្ឋមានជម្លោះដីធ្លីនៅសេសសល់៩នាក់ឱ្យមានសេរីភាពវិញ ពាក់ព័ន្ធនឹងការតវ៉ាមួយក្នុងបញ្ហាជម្លោះដីធ្លីជាមួយក្រុមហ៊ុនព្រលានយន្ដហោះថ្មី (OCIC) ដែលធ្វើឱ្យមានការប៉ះទង្គិចគ្នារវាងពលរដ្ឋមានជម្លោះដីធ្លី និងកងកម្លាំងខេត្តកណ្ដាល។
អានបន្តសហគមន៍ស្រ្ដីក្លាហាន៦០គ្រួសារបារម្ភពីការបណ្ដេញចេញដោយបង្ខំពីលើដីចំណីទន្លេ
សហគមន៍ស្រ្ដីក្លាហាន៦០គ្រួសារ ស្ថិតនៅសង្កាត់គីឡូម៉ែត្រលេខ៦ ខណ្ឌឬស្សីកែវ រាជធានីភ្នំពេញ កំពុងដេកភ័យព្រួយបារម្ភពីការបណ្ដេញចេញដោយបង្ខំ ដោយសារដីដែលពួកគេកំពុងរស់នៅបច្ចុប្បន្នជាដីចំណីទន្លេ មិនទាន់មានប័ណ្ណកម្មសិទ្ធិនៅឡើយ។
អានបន្តពន្ធនាគារខេត្តកំពង់ឆ្នាំងទើបដោះលែងលោក រាជ សីម៉ា សកម្មជនដីធ្លីឡពាងនៅល្ងាចមិញនេះ
ពន្ធនាគារខេត្ដកំពង់ឆ្នាំងបានដោះលែងលោក រាជ សីម៉ា សកម្មជនដីធ្លីនៅឡពាង ឃុំតាជេស ស្រុកកំពង់ត្រឡាច ខេត្តកំពង់ឆ្នាំង ឱ្យមានសេរីភាពវិញហើយ កាលពីវេលាម៉ោង៥និង៣០នាទី ថ្ងៃទី២៨ ខែតុលា ឆ្នាំ២០២២នេះ បន្ទាប់ពីជាប់ពន្ធនាគារអស់រយៈពេលជិត១ឆ្នាំ។
អានបន្តជនជាតិដើមភាគតិចកួយថា ឈ្មួញយកដីពួកគេហើយ ប្តឹងពួកគេឡើងតុលាការថែមទៀត
ជនជាតិដើមភាគតិចកួយ ចំនួនពីរភូមិស្ថិតនៅក្នុងឃុំសង្កែសាទប ស្រុកឱរ៉ាល់ ខេត្តកំពង់ស្ពឺ បានអំពាវនាវឱ្យអាជ្ញាធរខេត្តកំពង់ស្ពឺជួយការពារនិងទប់ស្កាត់ការរំលោភ យកដីព្រៃសហគមន៍ជនជាតិដើមភាគតិចកួយ និងខណៈដែលតំណាងរបស់ពួកគេ៤នាក់ ត្រូវបានតុលាការខេត្តកំពង់ស្ពឺកោះហៅឱ្យទៅឆ្លើយបំភ្លឺនៅថ្ងៃទី១៤ ខែវិច្ឆិកា ខាងមុខនេះ ក្រោយការចោទប្រកាន់ពីបទ រារាំងការឈូសឆាយដីព្រៃរបស់ពួកគេ។
អានបន្តសាលាឧទ្ធរណ៍ក្រុងភ្នំពេញដោះលែងលោក រាជ សីម៉ា សកម្មជនដីធ្លីឡពាងឱ្យនៅក្រៅឃុំជាបណ្តោះអាសន្ន
សាលាឧទ្ធរណ៍ក្រុងភ្នំពេញបានសម្រេចដោះលែងលោក រាជ សីម៉ា សកម្មជនដីធ្លីនៅឡពាង ឃុំតាជេស ស្រុកកំពង់ត្រឡាច ខេត្តកំពង់ឆ្នាំង ឱ្យនៅក្រៅឃុំជាបណ្ដោះអាសន្ននៅថ្ងៃទី២៥ ខែតុលា ឆ្នាំ២០២២នេះ ក្រោយលោកជាប់ពន្ធនាគារអស់រយៈពេល១១ខែ។
អានបន្តសហគមន៍ព្រៃឈើមួយកន្លែងប្រឈមនឹងការបាត់បង់ ដោយសារការកាប់ទន្រ្ទានយកដីធ្វើជាកម្មសិទ្ធិឯកជន
សហគមន៍ព្រៃឈើមួយកន្លែងស្ថិតក្នុង ស្រុកសន្ទុក ខេត្តកំពង់ធំ កំពុងរងការកាប់បំផ្លាញយកឈើធ្វើអាជីវកម្ម និង ទន្ទ្រានយកដីធ្វើជាកម្មសិទ្ធិឯកជន ដោយពុំទាន់មានការចុះទប់ស្កាត់ពីអាជ្ញាធរមូលដ្ឋាន ក្រោយពីប្រធានសហគមន៍បានទទួលមរណៈភាព។
អានបន្ត