សិទ្ធិមនុស្ស

ក្នុងឱកាសប្រារព្ធពិធីរម្លឹកខួប៧ឆ្នាំនៃមរណៈភាពរបស់លោកបណ្ឌិត កែម ឡី ក្រុមសង្គមស៊ីវិលបានថ្លែងថា ប្រសិនបើអំពើនិទណ្ឌភាពនៅតែបន្ត ហើយមិនអាចវែកមុខជនល្មើសយកមកផ្ដន្ទាទោសបាន វានឹងក្លាយជាការគំរាមកំហែងដល់សិទ្ធិសេរីភាពខាងការបញ្ចេញមតិ ហើយប្រជាពលរដ្ឋនឹងបន្តរស់នៅក្នុងការភ័យខ្លាច។

ប្រជាសហគមន៍ឡពាងអះអាងថា តុលាការខេត្ដកំពង់ឆ្នាំង មិនព្រមប្រគល់សម្ភារៈដែលបានដកហូតពីពួកគាត់ រួមមានម៉ូតូ១គ្រឿង និងទូរសព្ទ២គ្រឿង ​ទោះបីជាពួកគាត់ និងមេធាវីការពារក្ដីបានដាក់លិខិតស្នើសុំជាច្រើនដងទៅហើយក្តី។

ក្រុមអង្គការសង្គមស៊ីវិលជាង៦០ បានទាមទារដោះលែងប្រធានសមាគមសម្ព័ន្ធសហគមន៍កសិករកម្ពុជាលោក ថេង សាវឿន និងមន្ត្រីសមាគមនេះ២រូបទៀតដែលកំពុងជាប់ឃុំឱ្យមានសេរីភាពវិញ។

ប្រជាពលរដ្ឋនៅតាមបណ្តាខេត្តមួយចំនួន បានអះអាងថា អាជ្ញាធរមូលដ្ឋានបានចុះសួរនាំ និងហាមឃាត់ពួកគាត់មិនឱ្យឡើងមកភ្នំពេញ ដើម្បីតវ៉ាទាមទារដោះលែង លោក ថេង សាវឿន និងមន្ត្រីសមាគម២រូបឱ្យមានសេរីភាពវិញ។

ពលរដ្ឋជាង៣០០នាក់មកពីខេត្តចំនួន៥បានប្រមូលផ្តុំតវ៉ាមុខក្រសួងមហាផ្ទៃនៅថ្ងៃសុក្រម្សិលមិញនេះ ដើម្បីទាមទារឱ្យដោះលែងប្រធានសមាគមសម្ព័ន្ធសហគមន៍កសិករកម្ពុជា និងមន្ត្រី២រូបរបស់សមាគមនេះ ក្រោយសមត្ថកិច្ចខេត្តក្រចេះចាប់ខ្លួន និងបានបញ្ជូនទៅស្នងការដ្ឋាននគរបាលខេត្តរតនគិរីដើម្បីសាកសួរបន្ត។

ប្រធានសមាគមសម្ព័ន្ធសហគមន៍កសិករកម្ពុជាលោក ថេង សាវឿន និងមន្ត្រី២រូបទៀត ​ត្រូវបានសមត្ថកិច្ចបញ្ជូនទៅតុលាការខេត្តរតនគិរីនៅព្រឹកថ្ងៃព្រហស្សតិ៍នេះ ក្រោយសមត្ថកិច្ចខេត្តក្រចេះឃាត់ខ្លួនសាកសួរជាច្រើនម៉ោង។

អង្គការធ្វើការផ្នែកលើកកម្ពស់សិទ្ធិមនុស្សនិងអ្នកតាមដានបញ្ហាសង្គមលើកឡើងថា យុវជនមានការស្ទាក់ស្ទើរមិនហ៊ានចូលប្រឡូកយ៉ាងសកម្មក្នុងបញ្ហាសង្គមនោះទេ ដោយសារមូលហេតុស្ថានភាពនយោបាយមិនអំណោយផល និងកម្រិតសមត្ថភាពរបស់ពួកគេ។​

បណ្ដាស្ថានទូត អង្គការអន្ដរជាតិ និងអង្គការសង្គមស៊ីវិលសម្ដែងការសោកស្ដាយ បន្ទាប់ពីលោកនាយករដ្ឋមន្ដ្រី ហ៊ុន សែន សម្រេចបិទការផ្សាយរបស់វិទ្យុសំឡេងប្រជាធិបតេយ្យវីអូឌី (VOD) ជុំវិញអ្វីដែលលោកហៅថា បានផ្សាយព័ត៌មានមិនពិតពាក់ព័ន្ធនឹងកូនប្រុសរបស់លោក។

ក្រសួងការ​បរទេស​សហរដ្ឋ​អាមេរិក បាន​ប្រកាស​នៅថ្ងៃទី១ ខែកុម្ភៈថា អ្នកដឹកនាំ​សហជីព​នៅ​កម្ពុជា កញ្ញា ឈឹម ស៊ីថរ គឺ​ជាម្ចាស់​ពានម្នាក់​ក្នុងចំណោម ១០ រូបជុំវិញ​សាកលលោក ដែលទទួល​ពានរង្វាន់​អ្នកការពារ​សិទ្ធិមនុស្ស​ប្រចាំឆ្នាំ។ កញ្ញាគឺ​ជាអ្នកទីមួយ​នៃប្រទេស​កម្ពុជា ដែល​បាន​ពានរង្វាន់​នេះ។

សមត្ថកិច្ច​ប៉ុស្តិ៍​នគរបាល ឃុំរកាអារ ស្រុកកងមាស ខេត្តកំពង់ចាម បាន​ព្រមាន​ឃុំខ្លួន​យុវជន​ម្នាក់​ដែល​បាន​ចែករំលែក (Share) ព័ត៌មាន​របស់​ពលរដ្ឋ​អ្នកសារព័ត៌មាន CCIM ស្តីពី «ពលរដ្ឋខេត្ត​កំពង់ចាម ព្រួយបារម្ភ​ពីការកកើត​ល្បែងស៊ីសង​តាម​អនឡាញ​នៅតាម​មូលដ្ឋាន​ឡើង​វិញ» ដោយ​ភ្ជាប់​ជាមួយ​រូបភាព​ផ្សេង។