សង្គម

ជនជាតិដើមភាគតិចនៅឃុំប្រមេរ ស្រុកត្បែងមានជ័យ ខេត្តព្រះវិហារចោទថា អភិបាលស្រុកត្បែងមានជ័យ និងបក្ខពួកថាបានរំលោភដីធ្លីរបស់ពួកគាត់ដែលបានកាន់កាប់អាស្រ័យផលអស់រយៈពេលជាង២០ឆ្នាំ។

ពលរដ្ឋជាច្រើនគ្រួសារនៅ ឃុំបឹងខ្យាង ស្រុកកណ្ដាលស្ទឹង ខេត្តកណ្តាលបានផ្ទុះការតវ៉ានិងដាក់ប៉ារ៉ាស់បិទផ្លូវនៅថ្ងៃអង្គារនេះ ដើម្បីកុំឱ្យរថយន្តរបស់ក្រុមហ៊ុនអភិវឌ្ឍន៍ព្រលានយន្តហោះបើកឆ្លងកាត់ ក្រោយពីបើកបរធ្វើឱ្យដីហុយប៉ះពាល់ដល់ការរស់នៅរបស់ពួកគាត់។

ស្លាកសញ្ញា​គណបក្សភ្លើង​ទៀន​នៅជាប់​ដីរបស់ក្រុមហ៊ុន អេស ប៊ី ប៊ី ភី គ្រុប ស្ថិត​នៅ​ក្នុង​ឃុំព្រៃ​តាអី​ ស្រុកស្វាយទាប​ ខេត្ដ​ស្វាយរៀង​ ត្រូវបាន​ម្ចាស់ក្រុមហ៊ុនមួយនេះដកចេញពីទីតាំងដើម ប៉ុន្តែមិនបានបញ្ជាក់ពីមូលហេតុនោះទេ។

អង្គការក្រៅរដ្ឋាភិបាលក្នុងស្រុកមួយបានឱ្យដឹង​ថា ក្រោយបុណ្យចូលឆ្នាំប្រពៃណីជាតិរួចរាល់មានពលរដ្ឋខ្មែរជាង ១ ០០០នាក់ ​ត្រូវបានអាជ្ញាធរថៃចាប់ឃុំខ្លួន​ និងបញ្ជូនមកកម្ពុជាវិញដោយសារគ្មានឯកសារស្របច្បាប់។  ​

អាជីវករចំនួន២៩នាក់ ដែលលក់ដូរនៅផ្សារក្រុងព្រៃវែង បដិសេធក្នុងការផ្លាស់ប្ដូរទីតាំងលក់ទៅកាន់ផ្សារដែលសាងសង់ថ្មី ដោយពួកគេលើកឡើងថា ផ្សារថ្មីនោះមានសភាពស្ងប់ស្ងាត់ និងត្រូវចំណាយថវិកាច្រើនចំពោះការទិញតូប និងជួលតូប។

ផ្ទះ៤០ខ្នងរបស់ប្រជាពលរដ្ឋនៅឃុំព្រែកគយ ស្រុកស្អាង ខេត្ដកណ្ដាល បានបាក់ស្រុតចូលក្នុងទន្លេរងការខូចខាតធ្ងន់ធ្ងរ ហើយពលរដ្ឋស្នើដល់អាជ្ញាធរពាក់ព័ន្ធជួយដោះស្រាយជូនពួកគាត់ឱ្យបានឆាប់ ដើម្បីឱ្យពួកគាត់អាចបើកអាជីវកម្មរកស៊ីបានឡើងវិញ ខណៈអាជ្ញាធរថា ខ្លួននឹងឱ្យមន្ត្រីជំនាញចុះស៊ើបអង្កេតករណីនេះ ដើម្បីមូលហេតុពិតប្រាកដ។

ពលរដ្ឋម្នាក់បានស្លាប់បាត់បង់ជីវិតនិង៣នាក់ផ្សេងទៀតបានដួលសន្លប់ នៅពេលចូលរួមតវ៉ាដីធ្លីជាមួយប្រជាពលរដ្ឋផ្សេងនៅមុខសាលាខេត្តកោះកុងអស់ជាងច្រើនម៉ោង តែពុំមានដំណោះស្រាយ។

មិនមែនមនុស្សគ្រប់គ្នាសុទ្ធតែមានវាសនានិងលទ្ធភាពធ្វើដំណើរតាមយន្ដហោះនោះទេ ព្រោះថា ការធ្វើដំណើរតាមផ្លូវអាកាស គឺត្រូវចំណាយលុយច្រើន និងទាល់តែមានការងារជំនួញ ឬបេសកកម្មទៅបរទេសទៀត ទើបអាចទៅរួច។ បើទោះបីជាពុំធ្លាប់ជិះយន្ដហោះដោយផ្ទាល់សូម្បីតែមួយម្ដង បុរសមេការសំណង់ម្នាក់នៅខេត្តសៀមរាបបានខិតខំសន្សំប្រាក់ និងធ្វើផ្ទះរូបរាងដូចនឹងយន្ដហោះបេះបិទ ហើយរស់នៅក្នុងផ្ទះរបស់គាត់ ដើម្បីបំពេញក្ដីស្រម៉ៃតាំងពីកុមារ។ ក្ដីស្រម៉ៃចង់ជិះយន្ដហោះ មានដើមកំណើតជាអ្នកខេត្តសៀមរាប លោក ច្រាច់ ពៅ គឺជាម្ចាស់ផ្ទះយន្តហោះដែលប្លែកខុសពីលំនៅឋានរបស់អ្នកភូមិផ្សេងទៀតនៅឃុំសំបួរ ស្រុកសៀមរាប ខេត្តសៀមរាប។...

បញ្ហាគ្រួសារនិងសំពាធផ្លូវចិត្ត បានធ្វើឱ្យអតីតពិធីករម្នាក់ធ្លាក់ចូលក្នុងបញ្ហាគ្រឿងញៀនដោយពុំដឹងខ្លួន និងទទួលរងការស្ដីបន្ទោសនិងរើសអើងពីមនុស្សមួយចំនួន។

បណ្ដាស្ថានទូត អង្គការអន្ដរជាតិ និងអង្គការសង្គមស៊ីវិលសម្ដែងការសោកស្ដាយ បន្ទាប់ពីលោកនាយករដ្ឋមន្ដ្រី ហ៊ុន សែន សម្រេចបិទការផ្សាយរបស់វិទ្យុសំឡេងប្រជាធិបតេយ្យវីអូឌី (VOD) ជុំវិញអ្វីដែលលោកហៅថា បានផ្សាយព័ត៌មានមិនពិតពាក់ព័ន្ធនឹងកូនប្រុសរបស់លោក។