ព័ត៌មាន

ស្រ្ដីវ័យចំណាស់ម្នាក់បានរៀបរាប់ថា៖«គេព័ទ្ធរបងតាំងពីមានជម្លោះលើកមុនបានប៉ុន្មានថ្ងៃខាងព្រលានគេមកព័ទ្ធយកហ្មង។ ផ្ទះពួកខ្ញុំ១៤គ្រួសារគឺត្រូវដើរឆ្លងទឹកចូលផ្ទះ ពេលទឹកឡើងមានតែប្រើទូកឆ្លងចូលផ្ទះ។ ខ្ញុំដេកអត់លក់ទេលោកគ្រូអើយ មិនដឹងថាគេឱ្យយើងទៅនៅណាទេ។ លើកមុនគេមកប្រាប់ថាគេនឹងដោះស្រាយមុនបោះឆ្នោត តែឥឡូវអត់ឃើញមកសួរនាំទេ»។

ប្រជាពលរដ្ឋរស់នៅសង្កាត់បឹងទំពន់២ ខណ្ឌមានជ័យ រាជធានីភ្នំពេញ បានបង្ហាញពីទុក្ខលំបាកនៃផលប៉ះពាល់ជុំវិញបញ្ហាលិចទឹកនៅពេលមានភ្លៀងធ្លាក់ម្តងៗ ដោយពួកគេស្នើឱ្យអាជ្ញាធរជួយចាត់វិធានការ​ដោះស្រាយបញ្ហានេះជាប្រព័ន្ធ ដើម្បីធានាថា ពេលមានភ្លៀងធ្លាក់មកនឹងមិនមានការជន់លិចបន្តទៀត។

ក្នុងឱកាសប្រារព្ធពិធីរម្លឹកខួប៧ឆ្នាំនៃមរណៈភាពរបស់លោកបណ្ឌិត កែម ឡី ក្រុមសង្គមស៊ីវិលបានថ្លែងថា ប្រសិនបើអំពើនិទណ្ឌភាពនៅតែបន្ត ហើយមិនអាចវែកមុខជនល្មើសយកមកផ្ដន្ទាទោសបាន វានឹងក្លាយជាការគំរាមកំហែងដល់សិទ្ធិសេរីភាពខាងការបញ្ចេញមតិ ហើយប្រជាពលរដ្ឋនឹងបន្តរស់នៅក្នុងការភ័យខ្លាច។

សេចក្ដីរាយការណ៍ពីពលរដ្ឋអ្នកសារព័ត៌មាន និងអង្គការសង្គមស៊ីវិលក្នុងស្រុកឱ្យដឹងថា ពលរដ្ឋមានជម្លោះដីធ្លី៩នាក់ត្រូវបានតុលាការខេត្តកោះកុង បញ្ជាឱ្យឃុំខ្លួនជាបណ្តោះអាសន្នទៅពន្ធនាគារខេត្ត ដោយចោទប្រកាន់ពីបទញុះញង់ បន្ទាប់ពីពួកគេនាំគ្នាព្យាយាមឡើងទៅតវ៉ានៅរាជធានីភ្នំពេញ ដើម្បីទាមទារឱ្យទម្លាក់បទចោទនិងដោះលែងអ្នកតវ៉ាដីធ្លីផ្សេងទៀត។

កសិករចិញ្ចឹមសត្វគោនៅស្វាយរៀងត្អូញត្អែអំពីតម្លៃសត្វគោរស់ចុះថោកខ្លាំង ដែលបណ្តាលឱ្យពួកគេបាត់បង់ប្រាក់ចំណូលហើយកសិករខ្លះកំពុងប្រឈមបោះបង់មុខរបរមួយនេះចោល បើសិនតម្លៃគោរស់នៅតែបន្តធ្លាក់ចុះបន្ថែមទៀត។

អាណាព្យាបាលសិស្សជាច្រើនគ្រួសារ បានស្នើដល់ការិយាល័យអប់រំស្រុកកំពង់ត្រឡាច ជួយបើកច្រកចូលសាលារៀនបឋមសិក្សាវត្តថ្មីបន្ថែមទៀតដើម្បីបង្កភាពស្រួលក្នុងការធ្វើដំណើរ និងបញ្ជៀសគ្រោះថ្នាក់ចរាចរណ៍ដល់សិស្សានុសិស្ស។

ប្រជាពលរដ្ឋមួយចំនួនរស់នៅឃុំព្រៃតាអី ស្រុកស្វាយទាប ខេត្ដស្វាយរៀង ស្នើដល់អាជ្ញាធររដ្ឋឱ្យជួយតបណ្តាញអគ្គិសនីចូលក្នុងភូមិចំនួន៤ ដើម្បីឱ្យមានភ្លើងសម្រាប់ប្រើប្រាស់ដូចពលរដ្ឋនៅភូមិផ្សេងៗទៀត។

សិស្សានុសិស្សនៅសាលាបឋមសិក្សាថ្មគោល ឃុំផ្គាំ ស្រុកស្វាយចេក ខេត្តបន្ទាយមានជ័យ ជាច្រើននាក់​ បានបោះបង់ការសិក្សាទាំងវ័យក្មេង ដោយសារពួកគេត្រូវទៅតាមឪពុកម្តាយរបស់ពួកគាត់ដើម្បីចំណាកស្រុកទៅធ្វើការងារទៅប្រទេសថៃ។

ក្រសួងអប់រំបានប្រកាសលុបឈ្មោះ លោក ស៊ិន វត្ថា​ ជាប្រធានគណបក្សភ្លើងទៀនខេត្តបន្ទាយមានជ័យ ចេញពីក្របខណ្ឌគ្រូបង្រៀន ក្រោមហេតុផលថា បានប្រព្រឹត្តិកំហុសឆ្គងវិជ្ជាជីវៈមន្រ្តីរាជការ។ នេះបើតាមលិខិតរបស់ក្រសួងអប់រំ  យុវជននិងកីឡា ចុះថ្ងៃទី០៨ ខែមិថុនា ឆ្នាំ២០២៣។

ពលករនៅខេត្តបន្ទាយមានជ័យ បានសម្រុកទៅធ្វើលិខិតឆ្លងដែនដើម្បីបានទៅធ្វើការនៅស្រុកថៃដោយស្របច្បាប់ ក្រោយពួកគេចំណាកស្រុកទៅធ្វើការងារដោយខុសច្បាប់នៅប្រទេសថៃបានរងទុក្ខលំបាក និងជួបប្រឈមបញ្ហាផ្សេងៗទៀត។