ព័ត៌មាន

ស្លាកសញ្ញា​គណបក្សភ្លើង​ទៀន​នៅជាប់​ដីរបស់ក្រុមហ៊ុន អេស ប៊ី ប៊ី ភី គ្រុប ស្ថិត​នៅ​ក្នុង​ឃុំព្រៃ​តាអី​ ស្រុកស្វាយទាប​ ខេត្ដ​ស្វាយរៀង​ ត្រូវបាន​ម្ចាស់ក្រុមហ៊ុនមួយនេះដកចេញពីទីតាំងដើម ប៉ុន្តែមិនបានបញ្ជាក់ពីមូលហេតុនោះទេ។

តំណាងសហគមន៍ព្រៃឈើអូរតាក្រេះស្ថិតនៅស្រុកសន្ទុក ខេត្តកំពង់ធំ បានបង្ហាញជំនឿថា ក្រោយការបោះឆ្នោតជាតិនាខែកក្កដា ឆ្នាំ២០២៣ទៅ បទល្មើសផ្សេងៗក្នុងព្រៃសហគមន៍មួយនេះនឹងលែងមាន ដោយសង្ឃឹមថានឹងការចូលរួម​សហការល្អពីអាជ្ញាធរគ្រប់ជាន់ថ្នាក់ ព្រមទាំងបក្សនយោបាយដែលឈ្នះការបោះឆ្នោតផងដែរ។

ក្រុមសកម្មជនបរិស្ថាន និងអង្គការសង្គមស៊ីវិល បានស្នើដល់រដ្ឋាភិបាលឱ្យបញ្ឈប់ការកាត់ដីនៅតំបន់ឧទ្យានជាតិក្នុងប្រទេសកម្ពុជាទៅឱ្យឯកជន និងទាមទារដកសិទ្ធិគ្រប់គ្រងពីក្រុមហ៊ុនឯកជនទាំងនោះឱ្យទៅរដ្ឋគ្រប់គ្រងឡើងវិញ។

ប្រជាពលរដ្ឋនៅតាមបណ្តាខេត្តមួយចំនួន បានអះអាងថា អាជ្ញាធរមូលដ្ឋានបានចុះសួរនាំ និងហាមឃាត់ពួកគាត់មិនឱ្យឡើងមកភ្នំពេញ ដើម្បីតវ៉ាទាមទារដោះលែង លោក ថេង សាវឿន និងមន្ត្រីសមាគម២រូបឱ្យមានសេរីភាពវិញ។

ក្រុមអ្នកល្បាតព្រៃ បានអះអាងថា បទល្មើសព្រៃឈើនៅតំបន់ឱរ៉ាល់បានបន្តកើនឡើង ដោយសារគ្មានការចុះអន្តរាគមន៍បង្ក្រាប និងទប់ស្កាត់ពីអាជ្ញាធរពាក់ព័ន្ធ។

ពលរដ្ឋជាង៣០០នាក់មកពីខេត្តចំនួន៥បានប្រមូលផ្តុំតវ៉ាមុខក្រសួងមហាផ្ទៃនៅថ្ងៃសុក្រម្សិលមិញនេះ ដើម្បីទាមទារឱ្យដោះលែងប្រធានសមាគមសម្ព័ន្ធសហគមន៍កសិករកម្ពុជា និងមន្ត្រី២រូបរបស់សមាគមនេះ ក្រោយសមត្ថកិច្ចខេត្តក្រចេះចាប់ខ្លួន និងបានបញ្ជូនទៅស្នងការដ្ឋាននគរបាលខេត្តរតនគិរីដើម្បីសាកសួរបន្ត។

អ្នកការពារព្រៃឈើ និងសត្វព្រៃ បានទទូចដល់សមត្ថកិច្ចឱ្យស្រាវជ្រាវចាប់ខ្លួនក្រុមជនដែលបរបាញ់សត្វក្នុងព្រៃសហគមន៍ប្រាំបីមុមមកផ្តន្ទាទោសតាមច្បាប់ ដើម្បីព្រមានដល់អ្នកផ្សេងទៀតកុំឱ្យធ្វើបែបនេះ និងបញ្ឈប់ការដើរប្រមាញ់សត្វព្រៃបន្តទៀត។ កាលពីថ្ងៃ២២ ខែមេសា ឆ្នាំ២០២៣ សមត្ថកិច្ច និងប្រជាសហគមន៍បានចាប់បានឧបករណ៍សម្រាប់ធ្វើសកម្មភាពចាប់សត្វព្រៃមួយចំនួននិងឡានមួយគ្រឿងរបស់ជនសង្ស័យមួយក្រុមនៅក្នុងចម្ការអំពៅ ស្ថិតក្នុងឃុំប្រាំបីមុម ស្រុកថ្ពង ខេត្តកំពង់ស្ពឺ ខណៈម្ចាស់ ឬក្រុមជនសង្ស័យបានរត់គេចខ្លួនបាត់អស់។ ប្រធានសហគមន៍ការពារព្រៃឈើប្រាំបីមុមលោក សឿន ឡាយ បានឱ្យថា ​ចាប់តាំងពីចាប់បានវត្ថុតាងរហូតមកដល់ពេលនេះ...

ប្រធានសមាគមសម្ព័ន្ធសហគមន៍កសិករកម្ពុជាលោក ថេង សាវឿន និងមន្ត្រី២រូបទៀត ​ត្រូវបានសមត្ថកិច្ចបញ្ជូនទៅតុលាការខេត្តរតនគិរីនៅព្រឹកថ្ងៃព្រហស្សតិ៍នេះ ក្រោយសមត្ថកិច្ចខេត្តក្រចេះឃាត់ខ្លួនសាកសួរជាច្រើនម៉ោង។

អ្នកភូមិមួយចំនួននៅស្រុកកណ្តាលស្ទឹង ខេត្តកណ្តាល បានត្អូញត្អែពីបញ្ហាលំបាកក្នុងការទទួលបានសេវាសុខភាពសាធារណៈ ខណៈឃុំចំនួន៤ នៃស្រុកនេះមានមណ្ឌលសុខភាពតែមួយ។

សត្វខ្លាឃ្មុំញីមួយក្បាលទម្ងន់ជាង៦០គីឡូក្រាមត្រូវបានងាប់ ក្រោយជាប់អន្ទាក់ព្រានព្រៃជាច្រើនថ្ងៃ នៅព្រៃតំបន់ការពារស្ថិតក្នុងស្រុកមណ្ឌលសីមា ខេត្តកោះកុង ខណៈអ្នកអភិរក្សបានបញ្ហាការសោកស្តាយ និងអំពាវនាវដល់ពលរដ្ឋឱ្យបញ្ឈប់ការដាក់អន្ទាក់ចាប់សត្វព្រៃបន្តទៀត។