វិវាទដីធ្លី

សកម្មជនដីធ្លីនៅសហគមន៍ឡពាង បានសម្តែងការខកចិត្តចំពោះការសម្រេចរបស់សាលាឧទ្ធរណ៍រាជធានីភ្នំពេញ ដែលឱ្យពួកគាត់ចាញ់ក្តីលើបណ្តឹងមោឃភាពកិច្ចព្រមព្រៀងជាមួយម្ចាស់ក្រុមហ៊ុន KDC International គឺលោកស្រី ជា ខេង ភរិយារបស់លោក ស៊ុយ សែម អតីតរដ្ឋមន្ត្រីក្រសួងរ៉ែ និងថាមពល។

ដីព្រៃចំនួន១៥ហិកតារបស់សហគមន៍ព្រៃឈើភ្នំសេះ ស្ថិតក្នុងឃុំអូរគ្រៀងសែនជ័យ ស្រុកអូរគ្រៀងសែនជ័យ ខេត្ដក្រចេះ កំពុងរងការកាប់ទន្ទ្រានយកធ្វើកម្មសិទ្ធិពីសំណាក់អ្នកមានលុយមានអំណាច។

ជនជាតិដើមភាគតិច អះអាងថា ដីព្រៃសហគមន៍ជាង៣០ហិកតារបស់ជនជាតិដើមភាគតិចសួយ ស្ថិតក្នុងឃុំសង្កែសាទប ស្រុកឱរ៉ាល់ ខេត្តកំពង់ស្ពឺ កំពុងរងការហ៊ុមព័ទ្ធយកពីសំណាក់អ្នកមានលុយមានអំណាច។

ប្រជាសហគមន៍ឡពាង ៥រូបត្រូវបានសាលាឧទ្ធរណ៍រាជធានីភ្នំពេញកោះហៅឱ្យចូលបំភ្លឺនៅដើមខែសីហា​ ជុំវិញសំណុំរឿងចាស់ជាមួយក្រុមហ៊ុនខេឌីស៊ី(KDC) របស់ភរិយា លោក ស៊ុយ សែម ដែលជារដ្ឋមន្ត្រីក្រសួងរ៉ែ និងថាមពល    ប៉ុន្ដែពួកគេហាក់គ្មានជំនឿចិត្ដចំពោះការចូលបំភ្លឺនោះថានឹងទទួលយុត្ដិធម៌​ឡើយ។

ស្រ្ដីវ័យចំណាស់ម្នាក់បានរៀបរាប់ថា៖«គេព័ទ្ធរបងតាំងពីមានជម្លោះលើកមុនបានប៉ុន្មានថ្ងៃខាងព្រលានគេមកព័ទ្ធយកហ្មង។ ផ្ទះពួកខ្ញុំ១៤គ្រួសារគឺត្រូវដើរឆ្លងទឹកចូលផ្ទះ ពេលទឹកឡើងមានតែប្រើទូកឆ្លងចូលផ្ទះ។ ខ្ញុំដេកអត់លក់ទេលោកគ្រូអើយ មិនដឹងថាគេឱ្យយើងទៅនៅណាទេ។ លើកមុនគេមកប្រាប់ថាគេនឹងដោះស្រាយមុនបោះឆ្នោត តែឥឡូវអត់ឃើញមកសួរនាំទេ»។

សេចក្ដីរាយការណ៍ពីពលរដ្ឋអ្នកសារព័ត៌មាន និងអង្គការសង្គមស៊ីវិលក្នុងស្រុកឱ្យដឹងថា ពលរដ្ឋមានជម្លោះដីធ្លី៩នាក់ត្រូវបានតុលាការខេត្តកោះកុង បញ្ជាឱ្យឃុំខ្លួនជាបណ្តោះអាសន្នទៅពន្ធនាគារខេត្ត ដោយចោទប្រកាន់ពីបទញុះញង់ បន្ទាប់ពីពួកគេនាំគ្នាព្យាយាមឡើងទៅតវ៉ានៅរាជធានីភ្នំពេញ ដើម្បីទាមទារឱ្យទម្លាក់បទចោទនិងដោះលែងអ្នកតវ៉ាដីធ្លីផ្សេងទៀត។

ប្រជាពលរដ្ឋជាង៤០០គ្រួសារ នៅស្រុកកណ្តាលស្ទឹង និងសង្កាត់កំពង់សំណាញ់ ក្រុងតាខ្មៅ ខេត្តកណ្តាល បានទាមទារទៅរដ្ឋបាលខេត្តនេះដោះស្រាយ និងចេញប័ណ្ណកម្មសិទ្ធិដីធ្លី ក្រោយអាជ្ញាធរចោទថាពួកគាត់រស់នៅលើដីរដ្ឋខុសច្បាប់ និងប៉ះពាល់ជាមួយគម្រោងអភិវឌ្ឍន៍ព្រលានយន្តហោះអន្តរជាតិភ្នំពេញថ្មី។

ប្រជាពលរដ្ឋជាង១០០០គ្រួសារនៅខេត្តកោះកុង បានជំរុញទៅអាជ្ញាធរឱ្យពន្លឿនការដោះស្រាយបញ្ហាដីធ្លីជូនពួកគេឱ្យបានឆាប់ ដោយអះអាងថា ពួកគេកំពុងខ្វះខាតដីសម្រាប់ធ្វើកសិកម្ម។ កាលពីថ្ងៃទី២០ ខែមេសាឆ្នាំ២០២៣ ប្រជាពលរដ្ឋរាប់រយនាក់ បានប្រមូលផ្តុំនៅសាលាស្រុកស្រែអំបឹល ដើម្បីជួបជាមួយថ្នាក់ដឹកនាំខេត្តកោះកុង និងស្នើដល់ថ្នាក់ដឹកនាំទាំងនោះ ជួយពន្លឿនរកដំណោះស្រាយដីធ្លីជូនពួកគេ។ អ្នកស្រី ផាវ ញើង អាយុ ៤៧ឆ្នាំ ដែលអះអាងថា ជាតំណាងប្រជាពលរដ្ឋនៅឃុំជីខក្រោម ស្រុកស្រែអំបិលប្រាប់ពលរដ្ឋសារព័ត៌មានថា ក្រុមប្រជាពលរដ្ឋ៩៥៥គ្រួសារមកពីស្រុកស្រែអំបិល...

ប្រជាពលរដ្ឋនៅសហគមន៍ចំនួនចំនួន៧ ស្ថិតក្នុងខេត្តសៀមរាបបានបារម្ភពីសុវត្តិភាពដីធ្លី ក្រោយពីគ្មានប័ណ្ណកម្មសិទ្ធិត្រឹមត្រូវ ហើយបានស្នើដល់អាជ្ញាធរពាក់ព័ន្ធពន្លឿនការចេញប័នកម្មសិទ្ធិដីធ្លីជូនពួកគេ។

អ្នកភូមិ អះអាងថា ពួកគេប្រហែល១៥០០នាក់មកពីខេត្តចំនួន២ បានឡើងមករាជធានីភ្នំពេញនៅថ្ងៃពុធ ដើម្បីរកកិច្ចអន្តរាគមន៍ពីស្ថានប័នពាក់ព័ន្ធមួយចំនួនឱ្យជួយដោះស្រាយវិវាទដីធ្លីដែលបានអូសបន្លាយជាង១០ឆ្នាំ។