ប្រមុខរាជរដ្ឋាភិបាល​កម្ពុជា បានស្នើសុំចរចាជាមួយភាគសហរដ្ឋអាមេរិក និងព្រមបញ្ចុះអត្រាពន្ធគយលើទំនិញនាំចូលពីអាមេរិកចំនួន១៩មុខឬផលិតផល ពីអត្រា៣៥ភាគរយ មកត្រឹម៥ភាគរយ បន្ទាប់ពីអាមេរិកបានចុះហត្ថលេខាលើបទបញ្ជាមួយយកពន្ធលើទំនិញនាំចូលពីកម្ពុជាដល់ទៅ៤៩ភាគរយ។ ​ លិខិតរបស់នាយករដ្ឋមន្ត្រីកម្ពុជា លោក ហ៊ុន ម៉ាណែត បានផ្ញើទៅលោកប្រធានាធិបតីសហរដ្ឋអាមេរិក​លោក ដូណាល់ ត្រាំ ដែលបានបង្ហោះនៅលើទំព័រហ្វេសប៊ុកផ្លូវការរបស់លោកនៅថ្ងៃទី៤ ខែមេសា ឆ្នាំ២០២៥នេះ។ ក្នុងលិខិតបញ្ជាក់ថា ជាការឆ្លើយតបទៅនឹងការប្រកាសរបស់​ប្រធានាធិបតី ត្រាំ...

ក្រុមអ្នកឃ្លាំមើលនិយាយថា ​គ្រោះ​រញ្ជួយដីនៅប្រទេសថៃ និងនៅភូមា កាលពីពេលថ្មីៗនេះ ជាសារប្រាប់មករាជរដ្ឋាភិបាលកម្ពុជា និងភាគីពាក់ព័ន្ធឱ្យមានវិធានការការពារគ្រោះថ្នាក់ដោយម៉ត់ចត់ និងជាសារដាស់តឿនឱ្យមានការត្រួតពិនិត្យទៅលើគុណភាពសំណង់ ភាពស្របច្បាប់នៃការសាងសង់។ ​ ការលើកឡើងនេះ ក្រោយពេលគ្រោះរញ្ជួយដីបានកើតឡើងទៅលើប្រទេសទាំងពីរនេះកាលពីថ្ងៃសុក្រ ទី២៨ ខែមីនា ឆ្នាំ២០២៥  ពិសេសប្រទេសថៃ ដែលអាចបណ្តាលឱ្យមានពលរដ្ឋខ្មែរ​រងគ្រោះ និងបាត់បង់ជីវិតផងដែរ។ ជាមួយគ្នានេះ រដ្ឋាភិបាលថៃបានរកឃើញថា អគារដែលបានបាក់រលំមានកម្ពស់៣០ជាន់នៅកណ្តាលក្រុងបាងកងនោះ...

អ្នកជំនាញ និងសង្គមស៊ីវិល ស្នើរដ្ឋាភិបាលបង្កើតយន្តការសមស្រប​​មួយ ក្នុង​ការ​រៀប​ចំសណ្ដាប់​​​ធ្នាប់​សាធារណៈ និង​​ដោះ​ស្រាយ​ករណី​អាជីវក​រ​លក់​ដូរ​រំលោភ​ចំណី​ផ្លូវ ដោយឈរ​លើ​​ផលប្រយោជន៍​រួម ទាំង​អាជីវករ និងសាធារណជន។

មន្រ្តីជាន់ខ្ពស់ក្រសួងពាណិជកម្មកម្ពុជា​ អះអាងថា រដ្ឋាភិបាល​​ កំពុងចាត់វិធានការ​រក​ដំណោះស្រាយ​ និង​ស្វែង​រក​ការចរចា​ ក្រោយសហរដ្ឋអាមេរិក​ប្រកាសជាផ្លូវការពីការ​ដំឡើង​ពន្ធ​​​គយ​លើ​ទំនិញ​នាំចូល​ពីកម្ពុជា ៤៩ភាគរយ។

សហរដ្ឋអាមេរិកបានប្រកាសយកពន្ធលើទំនិញនាំចូលពីកម្ពុជាជាផ្លូវការក្នុងទំហំ ៤៩ភាគរយ ដែលជាចំនួនច្រើនជាងគេក្នុងចំណោមបណ្តាប្រទេសផ្សេងទៀត ពិសេសប្រទេសនៅក្នុងតំបន់អាស៊ីអាគ្នេយ៍។ យោងតាមសារព័ត៌មានល្បីរបស់អាមេរិក NBC News របស់អាមេរិកនៅថ្ងៃទី២ ខែមេសា ដែលត្រូវនឹងថ្ងៃទី៣ ខែមេសានៅកម្ពុជានេះ បានឱ្យដឹងថា ប្រធានាធិបតីសហរដ្ឋអាមេរិកលោក ដូណាល់ ត្រាំ(Donald Trump) បានចុះហត្ថលេខាលើគោលនយោបាយ “ពន្ធគយ” ដ៏ខ្លាំងក្លានិងទូលំទូលាយនៅសេតវិមាន។ លោក​...

សមាគមសម្ព័ន្ធអ្នកសារព័ត៌មានកម្ពុជា ហៅកាត់ថា ខេមបូចា រកឃើញថា ក្នុងឆ្នាំ២០២៤ មានការយាយីប្រឆាំងនឹងអ្នកកាសែតចំនួន៦៤នាក់ ដែលស្មើ៤១ករណី ក្រោមរូបភាព បំភិតបំភ័យផ្នែកច្បាប់ ការប្ដឹង ការឃុំខ្លួន ការចោទប្រកាន់​ និងការដកហូតអាជ្ញាប័ណ្ណ ខណៈការយាយីតាមផ្លូវច្បាប់កើនឡើងជិត៩០ភាគរយលើអ្នកកាសែត។

«​មួយឆ្នាំ​ហ្នឹង​ទៀត៩ឆ្នាំ​ហើយ ​មិនទាន់​បានស្គាល់​ស្រុក​​ទេ​។ ​គិត​​ថាឆ្នាំ​ហ្នឹង​​ចង់​ទៅ​លេង​ ​ឥឡូវ​ខ្លួន​ឯង​ពោះ​ធំ​ទៀត អ៊ីចឹង​ឆ្នាំ​ហ្នឹងអត់​ទៅទេ​ នៅ​រក​លុយ​នៅភ្នំពេញ នៅ​​សុំ​គេ​តាម​ស្តុប​។​ ពេលចូល​ឆ្នាំ​គេទៅ​លេង​បាញ់ទឹក ​ឈរ​សុំ​គេ​ ​ទុកលុយ​ហ្នឹង​ឆ្លង​ទន្លេ ព្រោះ​​យើង​អត់​មាន​ប័ណ្ណ​ក្រីក្រ​​ ណាមួយ​កន្លែង​ទិញ​អេតចាយ​គេ​បិទទ្វារ​ ​យើង​ត្រូវការ​រក​​លុយ​ឱ្យ​កូន ឱ្យ​ក្មួយ​ទុក​ស៊ី​ចាយ​។​ ពេល​ខ្លះ​ទៅ គ្រាន់តែយើង​ឈរ​មើលគេ ​វា​សប្បាយ​​ហើយ​​»។

មន្ត្រីរដ្ឋាភិបាលកម្ពុជា ឱ្យដឹងថា​ ក្រសួង​ការងារ បាននិងកំពុង​បន្តសហការជាមួយអាជ្ញាធរ​ថៃ ក្នុងការ​ស្វែងរក​​ពលករ​ខ្មែរ​ចំនួន ២នាក់ទៀត ដែលបាត់ខ្លួន​ក្នុងគ្រោះ​រញ្ជួយដីនៅ​ទីក្រុងបាងកក ក្រោយ​អាជ្ញាធរ​ថៃ បាន​រកឃើញពលករខ្មែរ​ម្នាក់បាន​ស្លាប់ និងម្នាក់​ទៀត​រងរបួសក្នុងគំនរអគារ​ដែលរលំ​បាក់ គិត​ត្រឹម​ថ្ងៃទី០១ ខែមេសានេះ។​ 

ពលករកម្ពុជាបម្រើការងារនៅប្រទេសថៃ ដែលចង់មកលេងបុណ្យចូលឆ្នាំប្រពៃណីខ្មែរនៅថ្ងៃខាងមុខនេះ ត្រូវបានលើកលែងលើការបង់ថ្លៃសេវាអនុញ្ញាតចេញ-ចូលប្រទេសមួយនេះ ចំពោះអ្នកកាន់ លិខិតឆ្លងដែន និងមានទិដ្ឋាការការងារ។ កាលពីថ្ងៃទី៣១ ខែមីនា ឆ្នាំ២០២៥ ក្រសួងការងារ និងបណ្តុះបណ្តាលវិជ្ជាជីវៈ បានចេញសេចក្តីជូនដំណឹងមួយដល់ពលករខ្មែរដែលកំពុងស្នាក់នៅ និងធ្វើការងារនៅប្រទេសថៃ ដែលចង់មកលេងបុណ្យចូលឆ្នាំប្រពៃណីខ្មែរ គឺមិនយកថ្លៃសេវាអនុញ្ញាតចេញ-ចូលប្រទេសថៃ ដោយចាប់ពីថ្ងៃទី១ខែមេសា ដល់ថ្ងៃទី១៥ ខែឧសភា ឆ្នាំ២០២៥។ ក្នុងសេចក្តីជូនដំណឹងបានឱ្យដឹងថា...

នៅក្នុងសហគមន៍មួយ នៅភូមិភាគឦសាននៃប្រទេសកម្ពុជា​ ក្រុម​សិល្បៈក​រ​វ័យ​ក្មេង​ចារ៉ាយ កំពុង​តែ​ប្រើប្រាស់​សំឡេង​​របស់​ពួក​គេ​តាម​រយៈ​តន្ត្រី ដើម្បី​អភិរក្ស​វប្បធម៌ ប្រពៃណី ភាសា​របស់​ខ្លួន។ ពួក​គេ​និយាយ​ថាទំនុក​ច្រៀង ដែល​សរ​សេរ​ជាភា​សារបស់​ខ្លួន​នេះ គឺ​ចង់​បង្ហាញ​អំ​ពី​អត្ត​សញ្ញាណ​របស់​ពួក​គេ។