ប្រជាកសិករមួយចំនួននៅឃុំស្នាមព្រះ ស្រុកបាកាន ខេត្តពោធិ៍សាត់ កាត់បន្ថយការធ្វើស្រែវស្សានៅក្នុងឆ្នាំនេះដោយសារជីគីមី និងថ្នាំបាញ់កសិកម្មឡើងថ្លៃ បើទោះបីជាស្រែរបស់ពួកគាត់នៅជិតប្រភពទឹកក៍ដោយ។
ជនជាតិដើមភាគតិចពូនងនៅសហគមន៍ឡៅកា ភូមិឡៅកា សង្កាត់សុខដុម ក្រុងសែនមនោរម្យបានអះអាងថា ពួកគេអស់ជំនឿលើប្រព័ន្ធតុលាការខេត្តមណ្ឌលគិរីហើយ ក្រោយពីតុលាការខេត្តនេះ បានកោះហៅពួកគេឱ្យចូលខ្លួនទៅឆ្លើយបំភ្លឺតាមបណ្តឹងរបស់អ្នកមានអំណាច ខណៈពាក្យបណ្តឹងរបស់ពួកគេបែជាតុលាការតម្កល់ទុកឥតចាត់ការទៅវិញ។
ប្រជាសហគមន៍ឡពាង ខេត្តកំពង់ឆ្នាំង នៅតែបន្ដការតវ៉ានិងទាមទារដីបឹងពោធិ៍ ឱ្យមកជាបឹងសហគមន៍រួម បើទោះបីអាជ្ញាធរអះអាងថា វាជាដីរដ្ឋមិនអាចឲ្យទៅជាបឹងសហគមន៍បានឡើយ។
ប្រជាពលរដ្ឋនៅសហគមន៍ឧត្តមស្រែពស់ និងព្រៃមេត្តាធម្មជាតិ ក្នុងស្រុកឱរ៉ាល់ ខេត្តកំពង់ស្ពឺ អំពាវនាវដល់អាជ្ញាធរខេត្តកំពង់ស្ពឺ និងកងកម្លាំងផ្សេងទៀត ឱ្យបញ្ឈប់ការលាបពណ៌មកលើសកម្មភាពការពារព្រៃឈើរបស់ពួកគេ ថាជាក្រុមប្រឆាំង ឬក្រុមអប្បគមន៍ជាដើម។
គណបក្សប្រជាជនកម្ពុជា បានកើនសំឡេងឆ្នោតយ៉ាងច្រើន នៅក្នុងឃុំចំនួន៤ នៅស្រុកកណ្ដាលស្ទឹង ខេត្តកណ្តាល ដែលកំពុងមានទំនាស់ដីធ្លីជាមួយក្រុមហ៊ុនសាងសង់ព្រលានយន្ដហោះអន្ដរជាតិភ្នំពេញថ្មី។
ស្ដ្រីតំណាងសហគមន៍នៅស្រុកឱរ៉ាល់ ខេត្តកំពង់ស្ពឺ ទាមទារឱ្យអាជ្ញាធរជួយរកយុត្តិធម៌ ករណីក្រុមទាហាន «ង៧០» បានធ្វើទុក្ខបុកម្នេញ និងប្រើប្រាស់អំពើហិង្សាគំរាមកំហែងពលរដ្ឋក្នុងបញ្ហាជម្លោះដីធ្លីនៅព្រៃ«មេត្តាធម្មជាតិ» បន្ទាប់ពីរដ្ឋាភិបាលបានកាត់ដីជាង២០០ហិកតាបែងចែកទៅឱ្យគ្រួសារកងទ័ពនោះ។
គណបក្សនយោបាយមួយចំនួនអះអាងថា ពួកគេបានត្រៀមខ្លួន និងស្នើសុំគណៈកម្មការរៀបចំការបោះឆ្នោតជួយសម្រួលឱ្យភាពងាយស្រួលសម្រាប់ការចុះផ្សព្វផ្សាយគោលនយោបាយរបស់គណបក្ស ខណៈយុទ្ធនាការឃោសនាបោះឆ្នោតឃុំសង្កាត់អាណាត្តិទី៥នឹងប្រព្រឹត្តទៅចាប់ពីថ្ងៃទី២១ ខែឧសភាឆ្នាំ២០២២។
ពលរដ្ឋមួយចំនួនយល់ថា ការប្រកាសឱ្យលែងពាក់ម៉ាស់នៅតាមទីសាធារណជារឿងល្អប្រសើរមួយ ប៉ុន្ដែ ពួកគេបារម្ភខ្លាចមានការកើតឡើងជាថ្មីនៃជំងឺកូវីដ-១៩ ខណៈរដ្ឋាភិបាលចង់បង្ហាញដល់ពិភពលោកថា កម្ពុជាលែងមានការឆ្លងជំងឺសកលមួយនេះទៀតហើយ។
អាជ្ញាធររាជធានីភ្នំពេញ និងក្រសួងទេសចរណ៍ព្រមានចាត់វិធានការចំពោះពលរដ្ឋមួយចំនួនដែលនាំគ្នាអង្គុយហូបចុក និងផឹកស៊ីគ្មានរបៀបរៀបរយនៅជុំវិញបរិវេណអាកាសយានដ្ឋានអន្តរជាតិភ្នំពេញ។
ក្រុមអង្គការសង្គមស៊ីវិលសំដែងការខកចិត្តចំពោះក្រសួងមហាផ្ទៃដែលបដិសេធញត្តិទាមទារឱ្យអាជ្ញាធរបន្ដការស៊ើបអង្កេតដោយឯករាជ្យ និងតម្លាភាពចំពោះករណីឃាតកម្មលោក ឈុត វុទ្ធី ដែលត្រូវបានគេបាញ់សម្លាប់នៅខេត្តកោះកុងកាលពី១០ឆ្នាំមុន។
