គ្រួសារមួយដែលបានបាត់បង់កូនប្រុសក្នុងគ្រោះថ្នាក់ចរាចរណ៍មួយកាលពី៧ឆ្នាំមុន ទាមទារឱ្យតុលាការចាប់ជនបង្កមកផ្តន្ទាទោស និងផ្ដល់សំណងចំនួន ៣០លានរៀលមកគ្រួសារគាត់ ខណៈមន្រ្ដីសង្គមស៊ីវិលយល់ថា​ ដំណើរការផ្ដល់យុត្ដិធម៌យឺតយ៉ាវធ្វើឳ្យពលរដ្ឋអស់ជំនឿចិត្ត​​។

ប្រជាកសិករមួយចំនួនរស់នៅស្រុកកណ្ដាលស្ទឹង ខេត្តកណ្ដាល ត្អូញត្អែរថា ការធ្វើស្រែចម្ការមិនសូវទទួលបានផលនោះទេ និងលក់ចេញក្នុងតម្លៃថោក ទើបពួកគាត់ងាកមកមុខរបរដាំបន្លែជំនួសវិញ។

គណបក្សក្រៅរដ្ឋាភិបាលមួយចំនួន និងអ្នករាយការណ៍ពិសេសអង្គការសហប្រជាជាតិលើកឡើងពីការបន្ដធ្វើទុក្ខបុកម្នេញ និងការយាយីក្រុមអ្នកនយោបាយ ស្របពេលកម្ពុជាត្រៀមរៀបចំការបោះឆ្នោតដែលអវត្តមានអតីតគណបក្សប្រឆាំងដ៏ធំនៅកម្ពុជា។

បើទោះបីមានការគំរាមកំហែងពីក្រុមទាហានរហូតមានអ្នកខ្លះរងពាក្យបណ្ដឹងនៅសាលាដំបូងខេត្តកំពង់ស្ពឺ ក៏ប្រជាសហគមន៍(ឧត្ដមស្រែខ្ពស់)នៅតែបន្ដការពារព្រៃឈើរបស់ពួកគាត់ ដើម្បីទុកឱ្យកូនចៅជំនាន់ក្រោយ។

ក្រសួងសុខាភិបាលអំពាវនាវឱ្យប្រជាពលរដ្ឋមុននឹងទិញឱសថគ្រប់ប្រភេទសម្រាប់ព្យាបាលជំងឺកូវីដ-១៩ ត្រូវពិនិត្យមើលលតាបត្របញ្ជិកាដែលមានបិទលើសំបកវេចខ្ចប់ ហើយលតាបត្រដែលត្រឹមត្រូវ គឺមានពីរផ្នែក ក្នុងនោះផ្នែកខាងលើមានឈ្មោះគ្រឹះស្ថានអាហរ័ណ នីហរ័ណឱសថ និងផ្នែកខាងក្រោមមានលេខបញ្ជីកា។

ប្រជាសហគមន៍ជនជាតិដើមភាគតិចគួយ រស់នៅឃុំថ្មី ស្រុកចិត្របុរី ខេត្តក្រចេះ បានចាប់យកការចំណាកស្រុកទៅធ្វើការនៅតំបន់ផ្សេងៗ ដោយសារសហគមន៍របស់ពួកគេជាសហគមន៍ក្រីក្រ និងមិនមានការងារធ្វើនៅក្រោយរដូវធ្វើស្រែចម្ការ។

ពលរដ្ឋមានជម្លោះដីធ្លីជាមួយក្រុមហ៊ុនព្រលានយន្ដហោះអន្ដរជាតិភ្នំពេញថ្មី បានចោទអាជ្ញាធរថា បានរារាំងពួកគាត់មិនឱ្យឡើងទៅរាជាធានីភ្នំពេញ ដើម្បីយកញត្តិដាក់ទាមទារឱ្យមានដំណោះស្រាយជុំវិញបញ្ហាដីធ្លីរបស់ពួកគេ។

នៅព្រឹកថ្ងៃទី៦ ខែធ្នូ ឆ្នាំ២០២១ ប្រជាពលរដ្ឋរស់នៅឃុំអំពៅព្រៃ ស្រុកកណ្ដាលស្ទឹង បានបន្ដប្រមូលផ្ដុំគ្នានៅមុខសាលាឃុំអំពៅព្រៃ ដើម្បីស្នើឱ្យអាជ្ញាធរពាក់ព័ន្ធចេញមុខ និងស្វែងរកដំណោះស្រាយទាក់ទងនឹងរឿងដីសហគមន៍ជាង៦០ហិតា ដោយភាគីពលរដ្ឋចោទថា អាជ្ញាធរមិនបានជួយអើពើ និងដោះស្រាយជូនពលរដ្ឋឡើយ។

ពលរដ្ឋជាច្រើនគ្រួសាររស់នៅឃុំរស្មីសាមគ្គី ស្រុកឱរ៉ាល់ រអ៊ូរទាំចំពោះក្រុមហ៊ុនបូមខ្សាច់មួយចំនួន ដែលបញ្ជាឱ្យឡានដឹកខ្សាច់របស់ពួកគេបើកបរទៅមកក្នុងភូមិធ្វើឱ្យខូចខាតផ្លូវពិបាកធ្វើដំណើរ និងបង្កផលប៉ះពាល់សុខភាពប្រជាពលរដ្ឋ។

ពលរដ្ឋនៅស្រុកគងពិសី ខេត្តកំពង់ស្ពឺ ប្រមូលគ្នាតវ៉ាដោយចោទក្រុមហ៊ុនសេងហានដីឡូត៍ថា ឈូសឆាយ និងផ្ដាច់យកដីសាធារណធ្វើជាកម្មសិទ្ធិផ្ទាល់ខ្លួន ដោយពលរដ្ឋក្នុងភូមិតែងតែធ្វើដំណើរទៅធ្វើស្រែចម្ការ និងឆ្លងកាត់ក្នុងភូមិ។