ស្ត្រីមានពិការភាពពីកំណើតម្នាក់តស៊ូរៀនចប់ថ្នាក់បរិញ្ញាបត្រ កំពុងមានជីវភាពការខ្វះខាតក្នុងគ្រួសារ ព្រោះស្វែងរកការងារមិនបានធ្វើ ក្រោយបញ្ចប់ការសិក្សាថ្នាក់បរិញ្ញាបត្រជំនាញគណនេយ្យ នៅសាកលវិទ្យាល័យមួយក្នុង ខេត្តសៀមរាប ។
ប្រជាសហគមន៍ឧត្តមស្រែពស់ ស្រុកឱរ៉ាល់ ខេត្តកំពង់ស្ពឺ បានអះអាងថា ក្រុមទាហាន (ង៧០) នៅតែបន្ដកាប់បំផ្លាញព្រៃសហគមន៍ឧត្តមស្រែពស់ ឬព្រៃមេត្តាធម្មជាតិ ដែលនៅសេសសល់ចុងក្រោយជាង៣០ហិកតា បើទោះបីជាអភិបាលខេត្តកំពង់ស្ពឺលោក វ៉ី សំណាង បានសន្យាថា លែងឱ្យមានការកាប់បំផ្លាញនិងរក្សាព្រៃឈើទាំងនោះជាតំបន់អភិរក្ស។
អ្នកប្រកបរបររកស៊ីឡានដឹកដី ថ្ម និងខ្សាច់ មួយចំនួននៅក្នុងស្រុកកណ្តាលស្ទឹង ខេត្តកណ្តាល បានត្អូញត្អែរថា ពួកគេកំពុងតែប្រឈមបោះបង់មុខរបរនេះចោល ដោយសារតែគ្មានទីផ្សារ ខណៈប្រេងឥន្ធនៈនៅតែថ្លៃ ជាហេតុធ្វើឱ្យពួកគេខ្លះបានបញ្ឈរឡានចោល និងដាក់លក់ ដោយទៅប្រកបមុខរបរផ្សេងវិញ។
ប្រជាពលរដ្ឋរស់នៅឃុំថ្មី ស្រុកចិត្របុរី ខេត្តក្រចេះ ត្អួញត្អែរលំមួយខ្សែពិបាកធ្វើដំណើរដែលស្ថិតនៅឃុំថ្មីតភ្ជាប់ទៅឃុំកន្ទួត រងការខូចខាតដោយសារទឹកភ្លៀង តែអាជ្ញាធរមិនទាន់មានការជួសជុលដោយសន្យាថានឹងជួសជុលពេលឆាប់ៗខាងមុខនេះ។
ប្រជាពលរដ្ឋនៅភូមិក្តីខ្វាវ សង្កាត់ចំរើនផល ក្រុងពោធិ៍សាត់ ខេត្តពោធិ៍សាត់ បាននាំគ្នាដាក់បារ៉ាស់បិទផ្លូវលំមួយកន្លែងមិនអនុញ្ញាតឱ្យរថយន្តដឹកខ្សាច់ បើកបរចេញចូលឡើយ ដោយសារពួកគាត់ថា បានបង្កឱ្យខូចខាតផ្លូវធ្ងន់ធ្ងរធ្វើឱ្យអ្នកភូមិពិបាកធ្វើដំណើរឆ្លងកាត់។
ប្រជាពលរដ្ឋនៅឃុំក្រាំងធ្នង់ ស្រុកទន្លេបាទី ខេត្តតាកែវ បានអះអាងថា ក្រោយពីលោកនាយករដ្ឋមន្រ្តី ហ៊ុន សែន បានប្រកាសឱ្យឈប់មានការអភិវឌ្ឍន៍នៅតំបន់ភ្នំតាម៉ៅមក ផ្លូវដែលក្រុមហ៊ុន ឡេង ណាវ៉ាត់ត្រា បានធ្វើទាំងប៉ុន្មានត្រូវបានទុកចោល ដោយមិនមានការសាងសង់បន្ដទៀតឡើយ។
អាជីវករប្រមាណជាង១០០០នាក់នៅផ្សារអូរឬស្សីបាននាំគ្នាទៅដាក់ញត្ដិនៅខុទ្ទការិយាល័យរបស់ លោក នាយករដ្ឋមន្ដ្រី ហ៊ុន សែន នៅព្រឹកថ្ងៃទី១៥ ខែសីហា ឆ្នាំ២០២២នេះ ដើម្បីស្នើសុំកិច្ចអន្ដរាគមន៍ឱ្យជួយបញ្ចុះតម្លៃតូបត្រឹមតែ៥០% ដោយពួកគេអះអាងថាបានជួបបញ្ហាសេដ្ឋកិច្ចជាច្រើនក្នុងការរីករាលដាលបញ្ហាកូវិដ១៩កន្លងមកនេះ ខណៈសាលាក្រុងធ្លាប់បានចេញសេចក្ដីប្រកាសម្ដងរួចមកហើយ។
ពលរដ្ឋចំនួន២ឃុំក្នុងស្រុកកណ្ដាលស្ទឹងបានអះអាងថា ឡានដឹកដីប្រភេទធំៗ បានធ្វើឲ្យខូចផ្លូវនិងមិនមានការជុសជុលនិងស្រោចទឹកនោះទេ ដែលជាហេតុធ្វើឱ្យផ្លូវខូចនិងពិបាកធ្វើដំណើរ ជាពិសេសពេលសិស្សចេញពីសាលារៀន។
អ្នកស្រុកឱរ៉ាល់ខេត្តកំពង់ស្ពឺ បានអំពាវនាវដល់អាជ្ញាធរកុំឲ្យមានការរើសអើង ចំពោះបងប្អូនប្រជាពលរដ្ឋដែលការពារព្រៃសហគមន៍ឧត្តមស្រែពស់ ឬ ហៅថាព្រៃមេត្តាធម្មជាតិ ដោយពួកគាត់ការពារទុកឱ្យក្មេងៗជំនាន់ក្រោយ។
តុលាការកំពូលនៅតែតម្កល់សាលក្រមរបស់សាលាដំបូងខេត្ដកំពង់ឆ្នាំង និងសាលាឧទ្ធរណ៍ទុកបានការដដែល ខណៈសកម្មជនដីធ្លីសហគមន៍ឡពាងចំនួន៣រូបបានចាត់ទុកថា ការប្រកាសសាលក្រមពីបទ "ធ្វើឱ្យខូចខាតដោយចេតនា" នៅអយុត្តិធម៌សំរាប់ពួកគេ។
