វេទិកាប្រចាំឆ្នាំទី២របស់អ្នកសារព័ត៌មាន ពលរដ្ឋអ្នកសារព័ត៌មាន (CJ) និង អង្គការសង្គមស៊ីវិលរបស់មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យកាលពីចុងខែវិច្ឆិកាកន្លងទៅ បានស្នើសុំអោយរដ្ឋាភិបាលកម្ពុជា និងគណៈកម្មាធិការជាតិរៀបចំការបោះឆ្នោត (គ.ជ.ប) បើកទូលាយដល់អ្នកកាសែតពេលចុះយកព័ត៌មានបោះឆ្នោតជាតិនៅឆ្នាំ២០២៣ខាងមុខ។
ព្រះសង្ឃ និងសិស្ស និស្សិត ដែលចូលរួមថែរក្សាការពារបរិស្ថាន សម្ដែងការសោកស្ដាយ និងខកចិត្តយ៉ាងខ្លាំង ក្រោយពីអាជ្ញាធរស្រុកសណ្តាន់ ខេត្តកំពង់ធំ បានរារាំង និងតាមថតយកសកម្មភាពធ្វើធម្មយាត្រា និងបំបួសដើមឈើ នៅក្នុងព្រៃសហគមន៍ក្បាលខ្លា ស្ថិតនៅក្នុងស្រុកសណ្តាន់ កាលពីថ្ងៃទី២១ ខែវិច្ឆិកា ឆ្នាំ២០២២។
នៅទីបំផុត តុលាការខេត្តកណ្ដាលបានសម្រេចទម្លាក់ចោលការចោទប្រកាន់លើពលរដ្ឋមានជម្លោះដីធ្លីនៅសេសសល់៩នាក់ឱ្យមានសេរីភាពវិញ ពាក់ព័ន្ធនឹងការតវ៉ាមួយក្នុងបញ្ហាជម្លោះដីធ្លីជាមួយក្រុមហ៊ុនព្រលានយន្ដហោះថ្មី (OCIC) ដែលធ្វើឱ្យមានការប៉ះទង្គិចគ្នារវាងពលរដ្ឋមានជម្លោះដីធ្លី និងកងកម្លាំងខេត្តកណ្ដាល។
ប្រជាពលរដ្ឋដែលរស់នៅក្នុងបុរីមួយចំនួននៅជាយរាជធានីភ្នំពេញ នៅតែត្អូញត្អែពីបញ្ហាខ្វះទឹកប្រើប្រាស់នៅរដូវប្រាំងខាងមុខនេះ ខណៈអាជ្ញាធរបានបន្ទោសលើម្ចាស់បុរីមួយចំនួនថា ខ្វះកិច្ចសហការជាមួយអាជ្ញាធរមូលដ្ឋាន។
ស្ត្រីក្រីក្រម្នាក់នៅខេត្តពោធិ៍សាត់សំណូមពរទៅសាលាដំបូងខេត្តឲ្យពន្លឿនការជំនុំជម្រះក្តីប្តីរបស់គាត់ដែលជាប់ពន្ធនាគារបណ្តោះអាសន្នអស់រយៈពេលជិតមួយឆ្នាំមកហើយ ដោយមិនទាន់កាត់ទោសនៅឡើយ។
សហគមន៍ស្រ្ដីក្លាហាន៦០គ្រួសារ ស្ថិតនៅសង្កាត់គីឡូម៉ែត្រលេខ៦ ខណ្ឌឬស្សីកែវ រាជធានីភ្នំពេញ កំពុងដេកភ័យព្រួយបារម្ភពីការបណ្ដេញចេញដោយបង្ខំ ដោយសារដីដែលពួកគេកំពុងរស់នៅបច្ចុប្បន្នជាដីចំណីទន្លេ មិនទាន់មានប័ណ្ណកម្មសិទ្ធិនៅឡើយ។
ស្ត្រីក្រីក្រម្នាក់នៅក្នុងខេត្តពោធិ៍សាត់បានអះអាងថា មានជនអនាមឹកម្នាក់បានខលមកឱ្យអ្នកស្រីរកប្រាក់ពីរពាន់ដុល្លារអាមេរិក ដើម្បីលោះប្តីចេញពីពន្ធនាគារ ប៉ុន្តែអ្នកស្រីថា អ្នកស្រីក្រីក្ររកអង្ករច្រកឆ្នាំងស្ទើមិនបានផង។
នៅក្នុងរបាយការណ៍ស្ទង់មតិមួយរបស់អង្គការតម្លាភាពកម្ពុជាហៅកាត់ថា (TI) បានរកឃើញថា យុវជនកម្ពុជាដែលមានអាយុចន្លោះពី១៥ឆ្នាំទៅ៣០ឆ្នាំ មានចំនួនតិចតួចណាស់ដែលចូលរួមក្នុងជីវភាពនយោបាយនិងតាមដាននយោបាយនៅកម្ពុជា។
ពន្ធនាគារខេត្ដកំពង់ឆ្នាំងបានដោះលែងលោក រាជ សីម៉ា សកម្មជនដីធ្លីនៅឡពាង ឃុំតាជេស ស្រុកកំពង់ត្រឡាច ខេត្តកំពង់ឆ្នាំង ឱ្យមានសេរីភាពវិញហើយ កាលពីវេលាម៉ោង៥និង៣០នាទី ថ្ងៃទី២៨ ខែតុលា ឆ្នាំ២០២២នេះ បន្ទាប់ពីជាប់ពន្ធនាគារអស់រយៈពេលជិត១ឆ្នាំ។
ជនជាតិដើមភាគតិចកួយ ចំនួនពីរភូមិស្ថិតនៅក្នុងឃុំសង្កែសាទប ស្រុកឱរ៉ាល់ ខេត្តកំពង់ស្ពឺ បានអំពាវនាវឱ្យអាជ្ញាធរខេត្តកំពង់ស្ពឺជួយការពារនិងទប់ស្កាត់ការរំលោភ យកដីព្រៃសហគមន៍ជនជាតិដើមភាគតិចកួយ និងខណៈដែលតំណាងរបស់ពួកគេ៤នាក់ ត្រូវបានតុលាការខេត្តកំពង់ស្ពឺកោះហៅឱ្យទៅឆ្លើយបំភ្លឺនៅថ្ងៃទី១៤ ខែវិច្ឆិកា ខាងមុខនេះ ក្រោយការចោទប្រកាន់ពីបទ រារាំងការឈូសឆាយដីព្រៃរបស់ពួកគេ។
