វិវាទដីធ្លី

ជនជាតិដើមភាគតិចពូនងជាង៦០គ្រួសារ ដែលរងផលប៉ះពាល់ពីទំនប់វារីអគ្គិសនីសេសានក្រោម២ នៅភូមិក្បាលរមាសចាស់ នៃស្រុកសេសាន ខេត្តស្ទឹងត្រែង បានជំរុញទៅអាជ្ញាធរឱ្យពន្លឿនការចេញបណ្ណកម្មសិទ្ធិដីសមូហភាព ដើម្បីឈានទៅរកដោះស្រាយសំណងផលប៉ះពាល់ ក្រោយពួកគាត់មិនព្រមចាក់ចេញពីភូមិចាស់នេះរយៈពេលជាង៧ឆ្នាំ។

ពលរដ្ឋមួយចំនួនរស់នៅភូមិឈើទាលលើ ឃុំរលាំងគ្រើល ស្រុកសំរោងទង ខេត្តកំពង់ស្ពឺ បានទទួចស្នើ សុំកិច្ចអន្តរាគមន៍ពីរដ្ឋាភិបាល ​ ខណៈ​ដីទីទួលសុវត្ថិភាពដែលពួកគេធ្លាប់ប្រើប្រាស់​រួម សម្រាប់ស្នាក់នៅបណ្តោះអាសន្ន ពេលមានទឹកជន់លិច​នារដូវវស្សានោះ ត្រូវគ្រួសារអ្នកមានអំណាចនិងបក្ខពួកដណ្តើមយកធ្វើជាកម្មសិទ្ធិ។ លោក​ ស្រី ភុន អាយុ ៧៩ ឆ្នាំរស់នៅភូមិឈើទាលលើ ឃុំរលាំងគ្រើល ស្រុកសំរោងទង ខេត្តកំពង់ស្ពឺ...

ពលរដ្ឋម្នាក់ត្រូវបានសន្តិសុខរបស់ឧកញ៉ា រតនៈ សម្បត្តិ បាញ់ដោយកាំភ្លើងឆ្នៃឱ្យរងរបួសភ្លៅខាងស្ដាំបន្ទាប់ពីពួកគេព្យាយាមរារាំងក្រុមសន្តិសុខមិនចូលទៅបំផ្លាញទ្រព្យសម្បត្តិរបស់អ្នកភូមិក្នុងទំនាស់ដីធ្លីកាលពីយប់ថ្ងៃទី១៥ ខែធ្នូ ឆ្នាំ២០២៤ ស្ថិតនៅឃុំបិតត្រាង ស្រុកព្រៃនប់ ខេត្ដព្រះសីហនុ។​ ពលរដ្ឋរងគ្រោះលោក ឡុង ប៊ុណ្ណារ៉ា អាយុ៤៣ឆ្នាំ រស់នៅភូមិគគីរ ឃុំបិតត្រាង ស្រុកព្រៃនប់ ខេត្ដព្រះសីហនុ បានប្រាប់ពលរដ្ឋអ្នកសារព័ត៌មាននៅថ្ងៃទី១៦ ខែធ្នូ ឆ្នាំ២០២៤...

ពលរដ្ឋរស់នៅឃុំតាសួស ស្រុកស្វាយជ្រុំ ខេត្ដស្វាយរៀងជាច្រើនគ្រួសារបានទាមទារដល់អាជ្ញាធរដកហូតដីព្រែកមួយកន្លែងទុកជាសម្បត្តិរដ្ឋវិញ ក្រោយពីមានអ្នកហាមមិនឱ្យអ្នកភូមិចូលទៅប្រើប្រាស់អាស្រ័យផលទឹកនៅក្នុងព្រែកនោះ។ លោក វង សាវ៉ាត អាយុ៤៨ឆ្នាំរស់នៅភូមិព្នៅ ឃុំតាសួស ស្រុកស្វាយជ្រុំ បានប្រាប់ពលរដ្ឋអ្នកសារព័ត៌មាននៅថ្ងៃទី១២ ខែធ្នូ ឆ្នាំ២០២៤ នេះថា តាំងពីដូនតារបស់លោកមក គឺព្រែកនៅក្នុងភូមិព្នៅមិនដែលមានអ្នកណាធ្វើរបងព័ទ្ធ ឬហាមឃាត់មិនឱ្យពលរដ្ឋចូលទៅរកត្រីនៅក្នុងព្រែក ឬហាមមិនឱ្យប្រលែងសត្វគោក្របីចុះទៅផឹកទឹកស៊ីស្មៅនៅក្នុងព្រែកទេ។ លោកថា ទើបតែនៅក្នុងឆ្នាំ២០២៤នេះមានគេធ្វើរបងព័ទ្ធហាមឃាត់មិនឱ្យពលរដ្ឋចូលទៅក្នុងព្រែកទាំងមនុស្ស...

អាជ្ញាធរចុះហាមឃាត់ពលរដ្ឋមិនឱ្យធ្វើសកម្មភាពដាំដុះលើដី ដែលពលរដ្ឋកំពុងទាមទារបណ្ណកម្មសិទ្ធិ កាលពីថ្ងៃទី២៨ ខែសីហាឆ្នាំ ២០២៣។ (ផ្តល់ឱ្យ)

ពលរដ្ឋម្នាក់ដែលអះអាងថា ជាតំណាងឱ្យពលរដ្ឋចំនួន១៤គ្រួសារ នៅស្រុកស្រែអំបិល ខេត្ដកោះកុង បានរងអំពើហិង្សាលើរាងកាយពីសំណាក់ឈ្មួញរកស៊ីទិញលក់ដី ខណៈគាត់ទៅហាមឃាត់គ្រឿងចក្រមិនឱ្យឈូសឆាយដីធ្លី។

ជនជាតិដើមភាគតិចពូនងជាង២០០នាក់ នៅស្រុកពេជ្រាដា ខេត្តមណ្ឌលគិរី បាននាំគ្នាតវ៉ា ក្រោយពីអាជ្ញាធរហាមមិនឱ្យ ចូលទៅអាស្រ័យផលលើដីចម្ការវិលជុំ ដែលពួកគាត់ អះអាងថា បានអាស្រ័យផលបន្តពីដូតាជាង៥០ឆ្នាំទៅហើយ។

ប្រជាពលរដ្ឋ៧៩គ្រួសារនៅស្រុកកំពង់ស្វាយ ខេត្តកំពង់ធំ បានស្នើដល់ក្រសួងរៀបចំដែនដី នគរូបនីយកម្ម និងសំណង់ កាត់ឆ្វៀលដីជាង៤០០ហិកតាពីតំបន់៣ ឱ្យពួកគាត់ ដោយអះអាងថាបានកាន់កាប់ និងអាស្រ័យផលជិត២០ឆ្នាំមកហើយ។

អ្នកមានជម្លោះដីធ្លី១២នាក់នៅសហគមន៍ផ្សេងគ្នាក្នុងខេត្តកោះកុង បានស្នើដល់តុលាការខេត្តនេះ ទម្លាក់ចោលបទចោទលើពួកគេ ក្រោមហេតុផលថា ពួកគេមិនបានប្រព្រឹត្តកំហុសដូចការចោទប្រកាន់ឡើយ។

តុលាការខេត្ដកំពង់ឆ្នាំងសាកសួរមន្ត្រីរដ្ឋបាលស្រុកកំពង់លែង២នាក់ និងពលរដ្ឋម្នាក់ពាក់ព័ន្ធការទន្ទ្រានយកដីព្រៃលិចទឹក៩ហិកតានៅជាប់បឹងទន្លេសាបធ្វើកម្មសិទ្ធិផ្ទាល់ខ្លួនដោយខុសច្បាប់ ខណៈមន្ត្រីសង្គមស៊ីវិលគាំទ្រចំណាត់ការនេះ។