អាជ្ញាធរចុះហាមឃាត់ពលរដ្ឋមិនឱ្យធ្វើសកម្មភាពដាំដុះលើដី ដែលពលរដ្ឋកំពុងទាមទារបណ្ណកម្មសិទ្ធិ កាលពីថ្ងៃទី២៨ ខែសីហាឆ្នាំ ២០២៣។ (ផ្តល់ឱ្យ)

គិតត្រឹមឆ្នាំ២០២២-២០២៤នេះ ព្រៃលិចទឹកដ៏សំខាន់ ដែលជាជម្រកត្រីពង លាក់ខ្លួន និងភ្ញាស់កូន ដូចជាដើមរំជែង ដើមរៃ និងព្រៃលិចទឹកមួយចំនួនទៀត កំពុងរងការគំរាមកំហែងយ៉ាងធ្ងន់ធ្ងរនៅទន្លេមេគង្គផ្នែកខាងលើ។ ការបាត់បង់ព្រៃលិចទឹក ដែលជាជម្រកត្រីគ្រប់ប្រភេទនេះហើយ បានធ្វើឱ្យចំនួនត្រីធ្លាក់ចុះ ដែលជាហេតុនាំឱ្យអ្នកនេសាទនៅខេត្តស្ទឹងត្រែង មិនអាចរកត្រីបានច្រើនដូចពីមុន។ ការបាត់បង់ព្រៃលិចទឹកទាំងនោះ បណ្ដាលមកពីការប្រែប្រួលអាកាសធាតុ ផែនដីឡើងកម្ដៅ ការសង់ទំនប់វារីអគ្គិសនី និងពីកត្តាមនុស្សជាដើម។

ដីព្រៃជា៣០០០ហិកតា ស្ថិតក្នុងដែនជម្រកសត្វព្រៃភ្នំឱរ៉ាល់ដែលរងការទន្ទ្រានយកដោយខុសច្បាប់ត្រូវបានរដ្ឋបាលខេត្តកំពង់ស្ពឺដកហូតទុកជាសម្បត្តិរដ្ឋវិញ ក្រោយពីអង្គការផ្នែកព្រៃឈើមួយប្តឹងកាលពេលថ្មីៗកន្លងទៅនេះ។

លាប់ជា​តំបន់​ព្រៃស្រោង​ ដែល​ស​ម្បូរទៅដោយ​​សត្វព្រៃ ​ព្រៃឈើ​តូចធំ​គ្រប់​ប្រភេទ និងជា​​តំបន់​អេកូឡូស៊ីដ៏សំខាន់នោះ​ ព្រៃឈើ​សហគមន៍តំបន់​ការពារធម្ម​ជាតិរលាក់កងជើង​​ កំ​ពុង​​តែ​​ប្រឈម​នឹង​ការ​បាត់​បង់​គួរ​​ឱ្យ​បារម្ភ​ ដោយ​សារ​ការ​កាប់ឈើ​ខុស​​ច្បាប់​ថ្មីៗ ​យ៉ាង​អនា​ធិបតេយ្យ ក្នុង​រយៈ​ពេល​ពីរ​​បីឆ្នាំ​ចុង​​ក្រោយ​នេះ​​។​ សមាជិក​សហគមន៍​និង​សកម្មជន​ព្រៃ​ឈើ​ ព្រមាន​អំពីលទ្ធភាព​នៃ​ការ​បាត់​បង់​ព្រៃស​ហគមន៍​ទាំង​ស្រុង​ ដោយ​អំពាវ​នា​វ​​ឱ្យ​អាជ្ញាធរ និង​ភាគីពាក់ព័ន្ធ​ចូល​រួម​បញ្ចប់​បទល្មើស​​ព្រៃ​ឈើ​នៅ​តំបន់​នោះ​។​

ពលរដ្ឋម្នាក់ដែលអះអាងថា ជាតំណាងឱ្យពលរដ្ឋចំនួន១៤គ្រួសារ នៅស្រុកស្រែអំបិល ខេត្ដកោះកុង បានរងអំពើហិង្សាលើរាងកាយពីសំណាក់ឈ្មួញរកស៊ីទិញលក់ដី ខណៈគាត់ទៅហាមឃាត់គ្រឿងចក្រមិនឱ្យឈូសឆាយដីធ្លី។

ដោយ​មើល​ឃើញពីការ​បាត់​បង់​ព្រៃឈើ​ក្នុង​សហគមន៍​ជា​បន្តបន្តាប់ និង​បារម្ភ​ពីការ​បាត់​បង់​មុខ​របរ​ពីដូនតា​ ក្រុម​ស្ត្រី​ជនជាតិ​ដើម​ភាគតិច​កួយនៃបណ្តាញសហគមន៍ព្រៃព្រះរការ ​​​ប្តេជ្ញា​ចិត្ត​តស៊ូចុះល្បាត​ព្រៃ ដើម្បី​ការ​ពារធនធាន​​ធម្មជាតិនៅ​សេសសល់ជា​ពិសេស ​​​គឺ​ដើម​​ច្បោះ​ ដែលជា​ប្រភព​ចំណូល​ប្រកប​ដោយ​និរន្ត​រភាព​ និង​មិនចេះ​រីងស្ងួត​សម្រាប់​សហគមន៍​មូល​ដ្ឋាន​ ដែលរស់នៅ​ជុំវិញ​ដែន​ជម្រក​សត្វព្រៃព្រះរការ ខេត្ត​ព្រះវិហារ​។

ប្រជាពលរដ្ឋនៅឃុំប៉ក់ញ៉ៃ ស្រុកអូរយ៉ាដាវ ខេត្តរតនៈគិរី ស្នើដល់អាជ្ញាធរឱ្យជួយជួសជុលផ្លូវលំមួយខ្សែរក្នុងសហគមន៍ឡើងវិញ ក្រោយរងការខូចខាតជាង១០ឆ្នាំដោយគ្មានការសាងសង់  និងកំពុងពិបាកធ្វើដំណើរឆ្លងកាត់ជាខ្លាំង។

បឹងទន្លេសាបដែលជាប្រភពទឹក និងត្រីច្រើនជាងគេក្នុងតំបន់អាស៊ីអាគ្នេយ៍ ត្រូវបានរដ្ឋាភិបាលចេញអនុក្រឹត្យមួយកាលពីឆ្នាំ២០១១ ដោយកំណត់ជាដែនព្រៃលិចទឹកប្រមាណ៦៥ម៉ឺនហិកតា ស្ថិតក្នុងខេត្តចំនួន៦ មានខេត្តកំពង់ឆ្នាំង ពោធិ៍សាត់ បាត់ដំបង បន្ទាយមានជ័យ សៀមរាប និងកំពង់ធំ។

ជនជាតិដើមភាគតិចខោញ រស់នៅឃុំថ្មី ស្រុកចិត្របុរី ខេត្តក្រចេះ ប្រឈមបាត់បង់អត្តសញ្ញាណរបស់ខ្លួនទាំងស្រុងដូចជាភាសា សម្លៀកបំពាក់ ពិធីសែនព្រេនជាដើម ដោយសារជនជាតិដើមភាគមួយនេះមានចំនួនពលរដ្ឋតិចនៅក្នុងសហគមន៍ និងវប្បធម៌ខាងក្រៅជ្រាបចូលក្នុងសហគមន៍របស់ពួកគាត់រស់នៅខ្លាំង។

ជនជាតិដើមភាគតិចពូនងជាង២០០នាក់ នៅស្រុកពេជ្រាដា ខេត្តមណ្ឌលគិរី បាននាំគ្នាតវ៉ា ក្រោយពីអាជ្ញាធរហាមមិនឱ្យ ចូលទៅអាស្រ័យផលលើដីចម្ការវិលជុំ ដែលពួកគាត់ អះអាងថា បានអាស្រ័យផលបន្តពីដូតាជាង៥០ឆ្នាំទៅហើយ។