ពលរដ្ឋជាច្រើនគ្រួសាររស់នៅឃុំរកាអា ស្រុកកងមាស ខេត្តកំពង់ចាម ព្រួយបារម្ភពីការកកើតឡើងវិញស្ងាត់ៗនូវល្បែងស៊ីសងតាមអនឡាញនៅតាមហាងកាហ្វេមួយចំនួន ក្នុងមូលដ្ឋានរបស់ពួកគេ ក្រោយពីរដ្ឋាភិបាលបានបញ្ជាឱ្យបិទ និងស្ងាត់មួយរយៈកាលមក។
កសិករនៅខេត្តពោធិ៍សាត់ រាប់ពាន់គ្រួសារ ដែលជាអ្នកផលិតស្រូវប្រាំង មានការសប្បាយចិត្ត ដោយសារការធ្វើស្រូវប្រាំងរបស់ពួកគាត់ មានតម្លៃថ្លៃគួរសមបន្តិច បើប្រៀបឆ្នាំមុន ពោលគឺ ច្រើនជាង២០០រៀលក្នុងមួយគីឡូក្រាម។
កម្មករ កម្មការិនី រោងចក្រកាត់ដេរ ជេឌី និងតូយូស៊ីម៉ា ខូអិលធីឌី (JD & TOYOSHIMA CO. Ltd) ស្ថិតក្នុងស្រុកបាទី ខេត្ដតាកែវ ប្រមាណ២០០នាក់ បានផ្ទុះការតវ៉ាក្រោយពីរោងចក្រព្យួរការងារអស់រយៈពេល២ខែថា បានធ្វើឱ្យប៉ះពាល់ដល់ជីវភាព និងធ្លាក់ខ្លួនក្នុងបំណុល។
អង្គការសង្គមស៊ីវិលរិះគន់ការឃាត់ខ្លួន លោក ស្ងួន ញឿន សកម្មជនដីធ្លីឡពាងនិងជាពលរដ្ឋអ្នកសារព័ត៌មាននៅមុខតុលាការខេត្ដកំពង់ឆ្នាំង កាលពីថ្ងៃទី១៨ ខែមករា ថាជារឿងមិនគួរកើតមាន ដោយគ្រាន់តែលោកបានថតរូបសកម្មភាពរបស់ប្រជាពលរដ្ឋឡើងមកឃ្លាំមើលសវនាការរបស់ពួកគេ។
កូនស្រីជំទប់ទី២គណបក្សភ្លើងទៀនខេត្តកំពង់ស្ពឺ កំពុងស្វះស្វែងរកវិធីឱ្យតុលាការដោះលែងឪពុករបស់ខ្លួនវិញ ខណៈប្រជាពលរដ្ឋតំណាងសហគមន៍ព្រៃឈើតាព្រហ្មភ្នំមួយរយស្រទាប់ អះអាងថា ពួកគេស្ម័គ្រចិត្តទៅដកពាក្យបណ្តឹងមកវិញ។
ម្ចាស់ផ្ទះដែលបាក់ស្រុតចូលទៅក្នុងទន្លេ កាលពីថ្ងៃទី២ ខែមករា ស្ថិតនៅស្រុកពារាំង ខេត្តព្រៃវែង បានស្នើសុំឱ្យអាជ្ញាធរជួយឧបត្ថម្ភជាថវិកា ឬដីសម្រាប់ការសាងសង់លំនៅឋានថ្មី ខណៈប្រជាពលរដ្ឋជាច្រើនគ្រួសារផ្សេងទៀត កំពុងដេកភ័យ ដោយសារតែបាក់ច្រាំងទន្លេជាបន្តបន្ទាប់។
អាជ្ញាធរកម្ពុជាបានជួយសង្គ្រោះស្ត្រីខ្មែរ២នាក់បងប្អូនបង្កើតដែលត្រូវឈ្មួញលក់ទៅប្រទេសចិន ក្រោមរូបភាពរៀបការប្ដីចិន ឱ្យវិលត្រលប់មកកម្ពុជាវិញកាលពីចុងខែធ្នូ កន្លងទៅ បន្ទាប់ពីសមត្ថកិច្ចចិនបានឃុំខ្លួនអស់រយៈពេល៥ខែ។
តុលាការសាលាឧទ្ធរណ៍ភ្នំពេញបានកាត់តម្រឹមទោសលោក រាជ សីម៉ា សកម្មជនដីធ្លីនៅឡពាងខេត្តកំពង់ឆ្នាំងឱ្យជាប់ពន្ធនាគារ១០ ខែនិង២៧ថ្ងៃ ដោយទោសដែលនៅសល់ត្រូវព្យួរ។
ប្រជាពលរដ្ឋជិត២០០នាក់ដែលរស់នៅលើទំនប់៩៤ ស្ថិតនៅឃុំចំនួន២ គឺឃុំកណ្តោក នៃស្រុកកណ្តាលស្ទឹង និងសង្កាត់កំពង់សំណាញ់នៃក្រុងតាខ្មៅ ខេត្ដកណ្ដាល បានលើកគ្នាមកតវ៉ានៅមុខសាលាខេត្តកណ្តាលកាលពីព្រឹកថ្ងៃអង្គារ ទី២៧ ខែធ្នូម្សិលមិញនេះ ដើម្បីស្នើសុំឱ្យអាជ្ញាធរខេត្តជួយអន្តរាគមន៍ដោះស្រាយករណីដីលំនៅដ្ឋានរបស់ពួកគេ ក្រោយពីក្រុមហ៊ុនព្រលានយន្ដហោះភ្នំពេញថ្មីបានឱ្យចុះមកជូនដំណឹងឱ្យពួកគាត់រុះរើលំនៅដ្ឋានចេញ ដោយអះអាងថា ពួកគេរស់នៅលើទំនប់៩៤ដោយគ្មានប័ណ្ណកម្មសិទ្ធិត្រឹមត្រូវ និងប៉ះពាល់ដល់គម្រោងសាងសង់ព្រលានយន្តហោះថ្មី។
ប្រជាពលរដ្ឋ១៧៩ គ្រួសារស្ថិតនៅក្នុងភូមិកោះក្របី១ សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ បានផ្ទុះការតវ៉ា កាលពីថ្ងៃព្រហស្បតិ៍ម្សិលមិញនេះនៅឯសាលាសង្កាត់ព្រែកថ្មី ដោយស្នើសុំឱ្យអាជ្ញាធររាជធានីភ្នំពេញចុះមកវាស់វែងលើគម្រោងពង្រីកផ្លូវកោះក្របីឡើងវិញដោយសារតែគម្រោងនេះបានធ្វើឱ្យប៉ះពាល់ដល់ដីលំនៅដ្ឋានរបស់ប្រជាពលរដ្ឋ។
